جانىبەكتىڭ جاڭازەلانديالىق اندرەي ميحايلوۆيچپەن وتەتىن ايقاسىنىڭ الدىندا كەلەڭسىز جايتتار كوبەيىپ كەتتى. جەرلەسىمىز سيدنەيگە بارعالى قارسىلاستارى ونىڭ كومانداسىن ءتۇرلى سوزدەرمەن بالاعاتتاپ، چەمپيوندىق بەلبەۋگە قاتىستى دا الىپقاشپا اڭگىمەلەر سوڭعى ساتتە ءبىر-اق شەشىلسە، ەندى ءانۇرانعا قاتىستى ماسەلە تۋىندادى.
ءالىمحان ۇلى شارشى الاڭعا شىققاندا ۇيىمداستىرۋشىلار قازاقستاننىڭ ەسكى ءانۇرانىن قوسىپ جىبەردى. بوكسشى دا، ونىڭ مەنەدجەرى، ءتىپتى جانكۇيەرلەر دە بۇل نۇسقانىڭ دۇرىس ەمەستىگىن ايتىپ، قارسىلىق بىلدىرگەنىمەن، قولدانىستاعى گيمن سول كۇيى قوسىلعان جوق.
«قازاق ستيلى» كارەراسىندا تۇڭعىش رەت اۆستراليادا بوكستاسىپ جاتىر. ول شارشى الاڭعا بۇعان دەيىن 2023-جىلعى قازاندا شىققان.