ءالىمحان ۇلى بيىل تاعى ءبىر جەكپە-جەك وتكىزۋدى كوزدەپ وتىر

استانا. KAZINFORM - ورتا سالماقتا IBF جانە WBO چەمپيونى قازاقستاندىق جانىبەك ءالىمحان ۇلى (17-0، 12 KO) الداعى جوسپارىن ءبولىسىپ، كەلەسى قارسىلاستارىنىڭ ەسىمدەرىن اتادى.

5-ساۋىردە 32 جاستاعى بوكسشى IBF رەيتينگىندەگى جەتىنشى ءنومىرلى فرانسيالىق اناۋەل نگاميسسەنگەنى (14-1، 9 KO) نوكاۋتقا ءتۇسىرىپ، تيتۋلدارىن ءساتتى قورعادى. الايدا ءالىمحان ۇلى بيىل تاعى ءبىر جەكپە-جەك وتكىزۋدى كوزدەپ وتىر. جانىبەك WBC چەمپيونى دومينيكالىق كارلوس ادامەسپەن (24-1-1، 18 KO) ايقاس وتكىزگىسى كەلەدى.

«بيىل مەن كارلوستى قۇلاتىپ، ءۇشىنشى بەلبەۋىمدى الامىن. سودان كەيىن لارانى زەينەتكە شىعارامىن. ال كەلەسى جىلى مامىردا كانەلومەن جۇدىرىقتاسىپ، ەكى سالماقتا دا ابسوليۋت چەمپيون بولامىن!» - دەپ جازدى ءالىمحان ۇلى X الەۋمەتتىك جەلىسىندە.