عالىمدار ۆيلت اۋرۋىنا ءتوزىمدى ماقتا سۇرپىن شىعاردى

استانا. KAZINFORM - «ماقتا جانە باقشا داقىلدارى اۋىل شارۋاشىلىعى تاجىريبە ستانسياسى» ج ش س جاڭا ماقتا سۇرپى - «ماقتاارال-5030» بويىنشا سىناقتاردىڭ سوڭعى كەزەڭىن اياقتاپ جاتىر. اعىمداعى ماۋسىمدا بۇل سۇرىپقا پاتەنت الۋ جوسپارلانىپ وتىر.

- سىناق ناتيجەلەرى بۇل سۇرىپتىڭ جوعارى اگرونوميالىق الەۋەتكە يە ەكەنىن كورسەتتى. ۆەگەتاتسيالىق كەزەڭى - 110-115 كۇن. شيكى ماقتانىڭ ونىمدىلىگى - گەكتارىنا 43,5 سەنتنەر، ءبىر قاۋاشاقتاعى ماقتا ماسساسى - شامامەن 6,1- 6,2 گرام. تالشىق شىعىمى - 39,7 پايىز، ۇزىندىعى - 33,5 م م، ميكرونەير - 4,5، بۇل توقىما ونەركاسىبىنە قاجەتتى ساپا تالاپتارىنا تولىق سايكەس كەلەدى. تالشىقتىڭ سىزىقتىق تىعىزدىعى - 5300 متەكس، ءۇزىلۋ جۇكتەمەسى - 4,9 گ/س.

مامانداردىڭ ەرەكشە نازارىن اۋدارتقانى - سۇرىپتىڭ ۆيلت اۋرۋىنا جوعارى توزىمدىلىگى: جۇقتىرۋ جاعدايىندا زاقىمدانۋ دەڭگەيى نەبارى 0,1 پايىز بولدى، بۇل «بەرەكە-07» ستاندارتتى سۇرپىمەن سالىستىرعاندا (وندا بۇل كورسەتكىش 0,4 پايىزدان جوعارى) الدەقايدا تومەن، - دەلىنگەن ا ش م حابارلاماسىندا.

مورفولوگيالىق بەلگىلەرى بويىنشا «ماقتاارال-5030» - بۇتالارى جايىلا وسەتىن، بيىكتىگى 120 س م- گە دەيىن جەتەتىن وسىمدىك. سيمپوديالدى بۇتاقتار 4-5-بۋىندا قالىپتاسادى. وسىمدىكتىڭ جاپىراقتارى - ءىرى، جاسىل ءتۇستى. قاۋاشاقتارى 4-5 قالاقشالى، دوڭگەلەك ءپىشىندى، ءپىسىپ-جەتىلگەندە جاقسى اشىلادى. تالشىعى-اق ءارى تازا. 1000 تۇقىمنىڭ سالماعى - شامامەن 125 گرام.

سۇرىپ اگروتەحنيكالىق جاعدايلارعا، اسىرەسە ەرتە سەبۋ مەرزىمدەرىندە جاقسى بەيىمدەلەدى. ۇسىنىلاتىن ەگىس سحەماسى - 90×1×10. ماشينامەن جيناۋعا جاقسى بەيىمدەلگەن. ورتاشا تۇزدانعان جانە قۇنارسىز توپىراقتاردا وسىمدىكتەردىڭ جيىلىگىن گەكتارىنا 130-135 مىڭ داناعا دەيىن جەتكىزۋ ۇسىنىلادى. ەڭ جوعارى ناتيجە ءونىم قالىپتاسۋىنىڭ بەلسەندى كەزەڭىندە ۋاقتىلى سۋارۋ جۇرگىزىلگەن جاعدايدا بايقالادى.

2024-جىلدان باستاپ «ماقتاارال-5030» سورتى قازاقستاندا اۋدانداستىرۋعا رۇقسات ەتىلگەن سورتتار تىزىمىنە ەنگىزىلدى.

ايتا كەتەلىك مالدىڭ جاي-كۇيىن انىقتايتىن سمارت شەشىم ويلاپ تابىلعانى تۋرالى جازعان ەدىك.