عالىمدار «تەتريس» ويىنىنىڭ پايداسى بار ەكەنىن انىقتادى

20 مينۋتقا سوزىلعان «تەتريس» ويىنى COVID-19 پاندەمياسى كەزىندە پسيحولوگيالىق كۇيزەلىستى باستان وتكەرگەن مەديتسينا قىزمەتكەرلەرىنىڭ اۋىر ەستەلىكتەرىن ازايتۋعا كومەكتەسكەن. زەرتتەۋ BMC Medicine جۋرنالىندا جارىق كوردى.

زەرتتەۋ بارىسىندا عالىمدار «تەتريس» ويىنى سەكىلدى قيالعا قارسى باعىتتالعان تانىمدىق تاپسىرمانىڭ اسەرىن زەرتتەدى. ولار بۇل ءادىستىڭ ادام ساناسىنا ەرىكسىز كەلىپ تۇسەتىن، اۋىر وقيعالارمەن بايلانىستى جاعىمسىز ەستەلىكتەردىڭ جيىلىگىن تومەندەتەتىنىن انىقتادى.

زەرتتەۋگە 144 شۆەد مەديتسينا قىزمەتكەرى قاتىستى، ولاردىڭ بارلىعى پاندەميا كەزىندە الدىڭعى شەپتە جۇمىس ىستەگەن. 130 قاتىسۋشى زەرتتەۋدى تولىق اياقتادى. ولاردىڭ � ى ايەلدەر، q ى تولىق جۇمىس ىستەگەن، ال X ى مەدبيكەلەر بولعان. قاتىسۋشىلاردىڭ ورتاشا جاسى - 41 جاس.

زەرتتەۋ ەكى توپتا جۇرگىزىلدى. ءبىر توپقا ارنايى جاتتىعۋ تاپسىرماسى بەرىلدى: ولار الدىمەن جاراقاتتى ەستەلىكتى ەسكە ءتۇسىرىپ، كەيىن سمارتفوندا 20 مينۋت بويى «تەتريس» وينادى. ەكىنشى، باقىلاۋ توبىنا پودكاست تىڭداپ، وعان قاتىستى سۇراقتارعا جاۋاپ بەرۋ تاپسىرىلدى. قاتىسۋشىلار كەيىن بۇل ءادىستى ءوز بەتىمەن دە قولدانۋعا شاقىرىلدى. 

زەرتتەۋ ناتيجەلەرى بويىنشا، تاپسىرما قاتىسۋشىلاردىڭ جاعىمسىز ەستەلىكتەرىنىڭ ازايۋىنا عانا ەمەس، سونىمەن قاتار پوستتراۆمالىق كۇيزەلىس بەلگىلەرىنىڭ ءبىر، ءۇش جانە التى اي ىشىندە تومەندەۋىنە ىقپال ەتكەن.

زەرتتەۋ اۆتورلارى بۇل ءادىستىڭ ارتىقشىلىقتارىن اتاپ ءوتتى: ول قىسقا مەرزىمدى، يكەمدى، قاشىقتان جۇرگىزۋگە ىڭعايلى جانە قاجەت بولعان جاعدايدا قايتالانۋى مۇمكىن. سونىمەن قاتار، بۇل ءتاسىلدىڭ تيىمدىلىگى دالەلدەنىپ، اسىرەسە كاسىبي جاراقات العاندار ءۇشىن پسيحولوگيالىق كومەك رەتىندە ۇسىنىلۋى مۇمكىن ەكەنى ايتىلدى.

turkystan.kz