عالىمدار تاريحتاعى ەڭ ۇلكەن قارا قۇردىمداردىڭ بىرىگۋىن تىركەدى

استانا. KAZINFORM - عالىمدار قۇس جولىنان الىستاعان سايىن ءبىر-بىرىنە جاقىنداپ كەلە جاتقان ەكى ۇلكەن قارا قۇردىمنىڭ سوقتىعىسۋى ناتيجەسىندە كەڭىستىك-ۋاقىتتاعى تولقىنداردى انىقتادى، دەپ حابارلايدى The Guardian.

تولقىنداردى ۆاشينگتون مەن لۋيزياناداعى LIGO گراۆيتاتسيالىق تولقىن دەتەكتورلارى انىقتادى.

ءارقايسىسىنىڭ ماسساسى كۇننەن 100 ەسە ۇلكەن قارا قۇردىمدار ۇزاق ۋاقىت بويى ءبىر-ءبىرىن اينالىپ ءوتىپ جۇرگەن جانە اقىرىندا سوقتىعىسىپ، جەردەن 10 ميلليارد جارىق جىل قاشىقتىقتا وتە ۇلكەن قارا قۇردىمنىڭ پايدا بولۋىنا جول اشقان.

عالىمدار مۇنداي ۇلكەن قارا قۇردىمدار جۇلدىزداردىڭ قالىپتى ەۆوليۋتسياسىنىڭ ناتيجەسى بولۋى مۇمكىن ەمەس دەيدى. بۇل نىساندار بۇرىنعى بىرىگۋلەردىڭ ناتيجەسى بولۋى مۇمكىن.

ەسكە سالا كەتەيىك، قىتايدا عارىشتى زەرتتەۋ جونىندەگى حالىقارالىق قاۋىمداستىق جۇمىس ىستەي باستادى.