پەريودتىق اشىعۋ ەڭ تانىمال ديەتالاردىڭ بىرىنە اينالدى جانە زەرتتەۋلەر ونى دەنساۋلىققا پايدالى اسەرلەرمەن بايلانىستىرادى.
دەگەنمەن، عالىمدار ونىڭ مەتابوليزمگە اسەرىن ءالى دە زەرتتەپ جاتىر.
ا ق ش-تاعى ماسساچۋسەتس تەحنولوگيالىق ينستيتۋتىنىڭ (MIT) عالىمدار توبى تىشقاندارعا زەرتتەۋ جۇرگىزىپ، اشىعۋ ىشەكتەگى ءدىڭ جاسۋشالارىنىڭ رەگەنەراتسياسىنا قالاي كومەكتەسەتىنىن زەرتتەدى.
بۇل جاسۋشالار جاڭا ىشەك جاسۋشالارىنىڭ كوزى سانالادى جانە ولاردىڭ قالپىنا كەلۋى ىشەككە كومەكتەسۋى مۇمكىن. عالىمدار ءۇش توپتاعى تىشقانداردى باقىلاعان: ءبىرىنشى توپ 24 ساعات بويى اشىققان، ەكىنشى توپ 24 ساعات اشىققاننان كەيىن كەلەسى 24 ساعاتتا شەكتەۋسىز تاماقتانعان، ال ءۇشىنشى باقىلاۋ توبى ەكسپەريمەنت بويى ەركىن تاماقتانعان.
Nature جۋرنالىندا جاريالانعان زەرتتەۋ ناتيجەلەرى بويىنشا زەرتتەۋشىلەر اشىعۋ كەزەڭىنەن كەيىن تىشقاندار تاماقتانۋدى قايتا باستاعاندا، رەگەنەراتسيانى جاقسارتاتىن ارنايى جولدىڭ ىسكە قوسىلاتىنىن انىقتادى.