عالىمدار كوزدى جىپىلىقتاتۋدىڭ بۇرىن بەيمالىم بولعان پايداسىن انىقتادى

استانا. قازاقپارات - كوزدى جىپىلىقتاتۋ - كۇندەلىكتى ومىردە بايقالمايتىن قاراپايىم ارەكەت، ءبىراق عالىمدار ونىڭ كۇردەلى ءارى ماڭىزدى ءرولىن انىقتادى. روچەستەر ۋنيۆەرسيتەتىنىڭ زەرتتەۋشىلەرى بۇل پروتسەستىڭ تەك كوزدى ىلعالداندىرىپ قانا قويماي، ميعا ۆيزۋالدى اقپاراتتى ءتيىمدى وڭدەۋگە كومەكتەسەتىنىن دالەلدەدى.

زەرتتەۋ ۆيزۋالدى قابىلداۋ مەن مي قىزمەتى اراسىنداعى بايلانىسقا جاڭا كوزقاراس ۇسىنادى.

«كوزدى جىپىلىقتاتقاندا، ۆيزۋالدى اقپارات رەتتەلىپ، جارىقتىق سيگنالدارى وزگەرەدى، بۇل كورىنىستى قابىلداۋىمىزدى جاقسارتادى»، - دەيدى زەرتتەۋ جەتەكشىسى، پروفەسسور ميشەل رۋچچي.

عالىمدار بۇل گيپوتەزانى تەكسەرۋ ءۇشىن ارنايى ەكسپەريمەنت جۇرگىزدى. ولار ۆيزۋالدى ستيمۋلدى قىسقا ۋاقىتقا قاراڭعىلاتىپ، كوزدى جىپىلىقتاتۋدىڭ اسەرىن مودەلدەدى. بۇل ناتيجەلەر جارىقتىڭ تۇسۋىندەگى وزگەرىستەرى ۆيزۋالدى اقپاراتتى جاقسارتاتىنىن دالەلدەدى.

ادامدار كۇندىزگى ۋاقىتتىڭ 3- 8 پايىزىندا كوزدەرىن جۇمىپ، جىپىلىقتاتىپ وتىرادى. بۇل قىسقا ۇزىلىستەر ءبىزدىڭ كوزىمىزدى ىلعالداندىرىپ قانا قويماي، جالپى كورۋ قابىلەتىمىزدى جاقسارتادى.

زەرتتەۋ ناتيجەلەرى كوزدىڭ كورۋ جۇيەسىنىڭ ەۆوليۋتسياسى وسى كىشىگىرىم ۇزىلىستەردى ميدىڭ ۆيزۋالدى اقپاراتتى وڭدەۋى ءۇشىن ءتيىمدى پايدالانۋعا بەيىمدەلگەنىن كورسەتتى. بۇل عىلىمي جاڭالىق ۆيزۋالدى قابىلداۋدىڭ جاڭا قىرلارىن اشىپ، ميگانۋدىڭ ماڭىزدىلىعىن قايتا باعالاۋعا شاقىرادى.