عالىمدار كوفەنىڭ ادام دەنساۋلىعىنا كەرى اسەرىن اتادى

استانا. قازاقپارات - كوفە پايدالى قۇرامىمەن، سونىڭ ىشىندە دەنەنى ءتۇرلى اۋرۋدان قورعاۋعا كومەكتەسەتىن انتيوكسيدانتتاردىڭ جوعارى مولشەرىمەن بەلگىلى. سونىمەن قاتار، كوفەين اسىرەسە ۇيقىسىزدىق سوزىلىپ كەتكەن كەزدە دەنساۋلىققا تەرىس اسەر ەتۋى مۇمكىن.

كەلندەگى نەمىس اەروعارىش ورتالىعىنىڭ عالىمدارى كوفەيننىڭ ميدىڭ قۇرامىنا اسەرى قانداي بولاتىنىن زەرتتەگەن. زەرتتەۋگە ادەتتە كوفەنى كوپ ىشپەيتىن 36 ادام قاتىسقان. عالىمدار ولاردى ەكى توپقا ءبولىپتى: ءبىر توپ كوفەيندى كوفەنى، ەكىنشىسى كوفەينسىز سۋسىننان ىشكەن.

زەرتتەۋ ادىستەمەسى

توعىز كۇن بويى، سونىڭ ىشىندە سوزىلمالى ۇيقىنى شەكتەۋ كەزەڭى كەزىندە زەرتتەۋشىلەر قاتىسۋشىلاردىڭ ميىنىڭ سۇر قۇرامىنداعى وزگەرىستى م ر ت جانە پ ە ت سكانەرلەۋ ارقىلى ولشەگەن. ونىڭ ناتيجەلەرى ۇيقىنىڭ سوزىلمالى شەكتەلۋى سۇر قۇرامدا ايتارلىقتاي وزگەرىستەردى تۋعىزاتىنىن كورسەتتى، بۇل كوفەيندى تۇتىنۋعا دا بايلانىستى بولىپ وتىر.

ناتيجەلەر مەن قورىتىندىلار

ۇيقىنى شەكتەۋ كەزىندە كوفەيندى تۇتىنباعان قاتىسۋشىلاردىڭ ميىنىڭ بىرنەشە بولىگىندە سۇر زات كولەمى ۇلعايعان. الايدا كوفەيندى ىشكەندەردە سۇر زات كولەمى ۇلعايماعان. بۇل ۇيقى جوعالعان كەزدە ميدىڭ يكەمدىلىك مەحانيزمدەرىنە كەدەرگى كەلتىرۋى مۇمكىن.

سونداي-اق، ادەنوزين رەتسەپتورلارىنا بايلانىستى جەكە ايىرماشىلىقتار وسى وزگەرىستەردىڭ دارەجەسىندە ءرول اتقاراتىنى انىقتالدى. ادەنوزين رەتسەپتورلارىنىڭ دەڭگەيى كوفە ىشپەگەندەردە ميدىڭ سۇر قۇرامىنىڭ تومەندەگەنى بايقالعان.

عالىمدار ۇيقى، كوفەين جانە مي قۇرىلىمى اراسىنداعى بايلانىس كۇردەلى ەكەنىن اتاپ كورسەتەدى. كوفەيندى ىشكەندەرگە ۇيقى جەتىسپەي، ميدىڭ تابيعي قالپىنا كەلۋ مەحانيزمدەرىنە كەدەرگى كەلتىرىلۋى مۇمكىن.