عالىمدار «كۋدەسنيسا» اتتى بيدايدىڭ جاڭا ءتۇرىن تانىستىردى

استانا. KAZINFORM - قارابالىق اۋىل شارۋاشىلىعى تاجىريبە ستانسياسى «كۋدەسنيسا» اتتى جۇمساق جازدىق بيدايدىڭ جاڭا سورتىن ۇسىنىپ، وتاندىق بيداي سورتتارىنىڭ قاتارىن قايتا تولىقتىردى.

بۇل تۋرالى ق ر اۋىل شارۋاشىلىعى مينيسترلىگىنىڭ باسپا ءسوز قىزمەتى حابارلادى.

عالىمداردىڭ ايتۋىنشا، بۇل سورت كەرەمەت ەرگونوميكالىق سيپاتتامالارعا جانە جوعارى ونىمدىلىككە يە.

«كۋدەسنيسا» سورتى 79 كۇندىك ۆەگەتاتسيالىق كەزەڭنەن تۇراتىن ورتا ماۋسىمدىق توپقا جاتادى. كونكۋرستىق سورتتى سىناۋ جىلدارىندا سورتتىڭ ورتاشا ونىمدىلىگى گەكتارىنا 25 سەنتنەردى قۇرادى، بۇل ستاندارتتى سورتتىڭ ونىمدىلىگىنەن ەداۋىر اسىپ تۇسەدى، اتاپ ايتقاندا ءبىر گەكتار 22 سەنتنەردى قۇرايدى.

سورتتىڭ نەگىزگى سيپاتتامالارىنىڭ ىشىندە داندەگى اقۋىز مولشەرى ,5، شيكى گليۋتەن 5,6 جانە جالپى ناۋبايحانا باعاسى 4,9 باللدى قۇرايدى. سورت قۇرعاقشىلىققا ءتوزىمدى، ۇزاق ۋاقىت بويى جاۋىن-شاشىنعا جانە جوعارى تەمپەراتۋراعا شىدامدى.

«كۋدەسنيسا» سورتى جازدىق جۇمساق بيداي وسىرىلەتىن ايماقتارعا ارنالعان. ەگىس الدىندا تۇقىمداردى مىندەتتى تۇردە مارينادتاۋ قاجەت، ال ەگۋ جىلدامدىعى گەكتارىنا 3,8-4 ميلليون ءداندى قۇرايدى. ماماندار ەگىستى 22-25-مامىر ارالىعىندا وتىرعىزۋعا كەڭەس بەرەدى.