عالىمدار اياققا شۇلىق كيىپ ۇيىقتاۋدىڭ پايداسى تۋرالى ايتتى

 قالىپتى جانە تەرەڭ ۇيقى دەنەنىڭ بارلىق جۇيەسىنىڭ جۇمىسىنا اسەر ەتەدى. 

سىمباتتى بولعىڭىز كەلە مە؟ جەتكىلىكتى ۇيىقتاڭىز. كۇنى بويى كوڭىلدى ءجۇرۋدى ارماندايسىز با؟ جەتكىلىكتى ۇيىقتاڭىز! بەزەۋدى ەمدەگىڭىز كەلە مە؟ ءيا، تاعى دا جەتكىلىكتى ۇيىقتاڭىز.

دەنە دەمالماسا، سترەسس گورمونىن جيناپ، تولىق جۇمىس ىستەي المايدى، ۇيقى قانباي، يممۋنيتەت تومەندەپ باسقا دا ماسەلەلەر پايدا بولادى، - دەپ حابارلايدى قازاقپارات Tengri Life-قا سىلتەمە جاساپ.

قازىرگى كەزدە جاقسى ۇيىقتاۋ كەيدە قيىن، كەيدە اۋىر مىندەت. ساراپشىلار بولمەگە جارىق تۇسپەۋى ءۇشىن تۇندە پەردەلەردى جاۋىپ، اۋاسى تازا، جاقسى جەلدەتىلگەن بولمەدە، دەمالۋدان بىرنەشە ساعات بۇرىن قۇرامىندا كوفەينى بار سۋسىن ىشپەي جانە تويىپ تاماقتانباۋعا كەڭەس بەرەدى.

ءبىراق بارلىق كەڭەستى ورىنداعانىڭىزعا قاراماستان، ءسىزدىڭ ءالى دە ۇيقىڭىز قانباي نەمەسە تۇندە ءجيى ويانساڭىز، قاراپايىم، ءبىراق وتە ءتيىمدى لايفحاكقا جۇگىنگەنىڭىز ابزال.

تۇندە شۇلىق كيىپ ۇيىقتاڭىز

عالىمداردىڭ ايتۋىنشا، شۇلىقپەن ۇيىقتاۋ تەز، تەرەڭ ۇيىقتاپ، تۇندە ويانباۋعا مۇمكىندىك بەرەدى. سەبەبى دەنە تۇندە تەرمورەگۋلياتسياعا جانە دەنە تەمپەراتۋراسىن تومەندەتۋگە كۇش جۇمسايدى. مي ىڭعايلى تەمپەراتۋرانى - شامامەن 35,8 گرادۋستى ۇستاپ تۇرۋ ءۇشىن تامىرلاردى كەڭەيتۋگە سيگنال جىبەرەدى.

ال تۇندە شۇلىق كيىپ ۇيىقتاساڭىز، قان تامىرلارى تەز كەڭەيىپ، ميعا قوسىمشا تاپسىرمالار بەرىلمەيدى. ەكسپەريمەنتكە قاتىسۋشىلار 23 گرادۋس تەمپەراتۋرادا ۇيىقتاعان. ولاردىڭ ىشىندە شۇلىق كيىپ ۇيىقتاعاندار جالاڭ اياق ۇيىقتاعاندارعا قاراعاندا 7,5 مينۋتقا تەز ۇيىقتاپ، تۇندە 7,5 ەسە از ويانعان. جالپى ۇيقى ۋاقىتى دا 32 مينۋتقا ۇزارىپ، ۇيقىنىڭ تيىمدىلىگى 7,6 پايىزعا جوعارىلاعان.

وزىڭىزگە تۇندە ىستىق بولماس ءۇشىن تابيعي ماتەريالدان جاسالعان، دەم الاتىن، جاناسۋعا جاعىمدى شۇلىق تاڭداڭىز.