ءدال وسى سۇراق ساۋدا جانە ينتەگراتسيا ءمينيسترى ارمان شاققاليەۆكە قويىلدى.
— زەرتتەۋ، مونيتورينگ سالالىق نەگىزدە ءبولىندى، ياعني دەنساۋلىق ساقتاۋ، ەنەرگەتيكا، ءبىلىم بەرۋ ماسەلەلەرى بويىنشا، جيناقتالعان اقپارات العاننان كەيىن ءبىز قورىتىندىنى الامىز. ءبىز وبەكتيۆتى سويلەيتىن بولامىز، ياعني وبەكتيۆتى كورسەتكىشتى سيپاتتايتىن مەتريكا ونىڭ ءبارى زەرتتەلەدى، - دەدى ارمان شاققاليەۆ ۇكىمەت ءۇيى قابىرعاسىندا ب ا ق وكىلدەرىنىڭ ساۋالىنا جاۋاپ بەرە تۇرىپ.
سونداي-اق تىلشىلەر مينيسترگە ەگەر عالىمدار ۋاقىت بەلدەۋىن اۋىستىرۋ ادامعا كەرى اسەر ەتەدى دەسە، قاتەلىگىڭىزدى مويىنداۋعا دايىنسىز با دەگەن ناقتىلاۋ ساۋالىن جولدادى.
— بۇعان دەيىن دە بىرنەشە رەت ايتقانبىز، شەشىم قابىلداندى جانە مەن بۇل شەشىمدى ەشقاشان قاتە دەپ ايتپايمىن. عالىمدار ديناميكانى بايقاۋ كەرەك دەپ وتىر، - دەپ تولىقتىردى ۆەدومستۆو باسشىسى.
ايتا كەتسەك، مەملەكەت باسشىسى قاسىم-جومارت توقايەۆ جىل باسىندا «انا ءتىلى» گازەتىنە بەرگەن سۇحباتىندا ءبىرىڭعاي ۋاقىت بەلدەۋىنە قاتىستى سۇراققا پىكىر ءبىلدىردى.
سونداي-اق ۇكىمەت باسشىسى ولجاس بەكتەنوۆ ۋاقىت بەلدەۋىنە قاتىستى شەشىم تۇپكىلىكتى ەكەنىن ايتقان بولاتىن.