لابوراتوريالىق تاجىريبەلەردە پوليفەنولدار يممۋندىق جاسۋشالارداعى قابىنۋعا جاۋاپ بەرەتىن مولەكۋلالاردىڭ ءوندىرىسىن تەجەگەن. كوليەتى جاساندى تۇردە يندۋتسيرلەنگەن تىشقاندارعا قوسىلعان كەزدە، بۇل زاتتار سالماق جوعالتۋدى ازايتىپ، قانداعى قابىنۋ دەڭگەيىن تومەندەتىپ، توق ىشەك تىندەرىنىڭ زاقىمدانۋىن جەڭىلدەتكەن.
سونىمەن قاتار، عالىمدار پوليفەنولداردىڭ ىشەك ميكروبيوتاسىنا اسەرىن زەرتتەگەن. ناتيجەسىندە ىشەكتەگى پايدالى باكتەريالاردىڭ سانى ارتقان، ال قابىنۋعا جاۋاپ بەرەتىن ميكروورگانيزمدەر ازايعان. يممۋندىق جۇيەنىڭ ارتىق بەلسەندىلىگى دە تومەندەپ، انتيگەندەردى قابىلداۋ جولدارى قالىپقا كەلگەن.
مامانداردىڭ ايتۋىنشا، بۇل زەرتتەۋ ىشەك قابىنۋىنا قارسى ديەتالىق تاسىلدەردى دامىتۋعا جول اشادى جانە المۇرت قابىعى سياقتى قاراپايىم ونىمدەردىڭ دە ەمدىك قاسيەتتەرى بولۋى مۇمكىن ەكەنىن كورسەتەدى.