استانا. قازاقپارات - 9- 12-ماۋسىم ارالىعىندا قورىق اۋماعىندا جوسپارلى عىلىمي-زەرتتەۋ جانە مونيتورينگ جۇمىستارى جۇرگىزىلدى. ماماندار فوتوتۇزاقتار ورناتىپ، اڭ-قۇستاردىڭ تىرشىلىگىن باقىلاپ، جينالعان دەرەكتەردى وڭدەۋگە كىرىستى. بۇل تۋرالى ەكولوگيا جانە تابيعي رەسۋرستار مينيسترلىگىنىڭ ورمان شارۋاشىلىعى جانە جانۋارلار دۇنيەسى كوميتەتى ءمالىم ەتتى.
كوميتەتتىڭ مالىمەتىنشە، عىلىم، اقپارات جانە مونيتورينگ ءبولىمىنىڭ اعا عىلىمي قىزمەتكەرلەرى ا. پۋلاتوۆ، س. تۋرماگامبەتوۆ جانە قورعاۋ ءبولىمىنىڭ مەملەكەتتىك ينسپەكتور جۇرگىزۋشىسى د. اتانتايەۆ قورىق اۋماعىندا عىلىمي-زەرتتەۋ جۇمىستارىن جۇرگىزگەن.
فوتو: ورمان شارۋاشىلىعى جانە جانۋارلار دۇنيەسى كوميتەتى وڭدەۋ جۇمىستارى ءۇستىرت مەملەكەتتىك تابيعي قورىعىندا جۇرگىزىلىپ جاتىر.
- جىلدىق جوسپارعا سايكەس فوتوتۇزاقتار ورناتىلىپ، دەرەكتەر جينالدى. اڭ-قۇستاردىڭ تىرشىلىگىنە مونيتورينگ جاسالىپ، الىنعان مالىمەتتەر بازاعا تىركەلىپ، وڭدەلىپ جاتىر، - دەلىنگەن حابارلامادا.
فوتو: ورمان شارۋاشىلىعى جانە جانۋارلار دۇنيەسى كوميتەتى قورىق اۋماعىندا اۋا-رايى 9-11-ماۋسىمدا وڭتۇستىك- شىعىستان سوققان جەلدىڭ جىلدامدىعى 6- 7 م/س، تەمپەراتۋرا 25- 35 گرادۋس ارالىعىندا بولدى. 12-ماۋسىمدا اۋا تەمپەراتۋراسى 40 گرادۋسقا دەيىن كوتەرىلىپ، اپتاپ ىستىق بايقالدى.
ايتا كەتەيىك، «التىن-ەمەل» مەملەكەتتىك ۇلتتىق تابيعي پاركى دالا قىرانى Aquila nipalensis بالاپانىن قورەكتەندىرىپ جاتقان ءساتىن جاريالاعان بولاتىن.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан