ازىرلەمەنىڭ ەرەكشەلىگى - ومەگا-3 پەن ومەگا-6 پوليقانىقپاعان ماي قىشقىلدارىنىڭ اراقاتىناسىن 1:5 دەڭگەيىندە قامتاماسىز ەتەتىن ءسۇت مايى، راپس جانە زىعىر مايلارىنىڭ ۇيلەستىرىلۋىندە.
«W-بالانستىڭ» ءداستۇرلى مايلى ونىمدەردەن ايىرماشىلىعى، ونىڭ رەتسەپتۋراسى ماي قىشقىلدارىنىڭ بەرىلگەن قۇرامى ەسكەرىلە وتىرىپ، سارى مايعا ءتان ورگانولەپتيكالىق قاسيەتتەرىن ساقتاپ قالاتىنداي ەتىپ ازىرلەنگەن.
ونىمدەگى مايدىڭ ماسسالىق ۇلەسى r,5 قۇرايدى. زەرتتەۋ ناتيجەلەرىنە سايكەس، ءونىمنىڭ سىڭىمدىلىگى -98. سپرەدتە قانىققان مايلار مەن حولەستەرين مولشەرى تومەن. ءونىم 10 نان 30 گرادۋسقا دەيىنگى تەمپەراتۋرادا ءوزىنىڭ جۇمساق ءارى جاعىلۋ قاسيەتىن ساقتايدى.
ازىرلەۋ بارىسىندا رەتسەپتۋرالار ەكسپەريمەنتتىك تۇرعىدان پىسىقتالىپ، ەمۋلگيرلەۋ مەن كريستالدانۋدىڭ تەمپەراتۋرالىق جانە مەحانيكالىق رەجيمدەرى زەرتتەلدى. سونداي-اق ماي قىشقىلدارىنىڭ قۇرامىنا حروماتوگرافيالىق زەرتتەۋلەر جۇرگىزىلدى.
رەتسەپتۋرادا وتاندىق شيكىزاتتى - ءسۇت مايىن، راپس جانە زىعىر مايلارىن پايدالانۋ كوزدەلگەن. تەحنولوگيانى ماي-توڭماي ونەركاسىبى كاسىپورىندارىنىڭ قولدانىستاعى وندىرىستىك جەلىلەرىنە ينتەگراتسيالاۋعا بولادى.
ازىرلەنگەن رەتسەپتۋرا مەن تەحنولوگيالىق رەجيمدەر نەگىزىندە تەحنولوگيالىق قۇجاتتاما ازىرلەندى. عىلىمي جانە عىلىمي-تەحنيكالىق قىزمەت ناتيجەسى (ع ع ت ق ن) رەسىمدەلدى.
تەحنولوگيا ونەركاسىپتىك اۋقىمدا وندىرۋگە دايىندالدى. ازىرلەمە گوست 34178-2017 جانە ك و ت ر 021/2011 تالاپتارىن ەسكەرە وتىرىپ ورىندالدى.
«W-بالانس» سپرەدى فۋنكتسيونالدىق جانە ديەتالىق تاعام ونىمدەرىن وندىرۋگە ارنالعان. سونىمەن قاتار ونى ساناتوريلىك-كۋرورتتىق جانە ەمدىك-پروفيلاكتيكالىق تاماقتانۋعا ارنالعان ونىمدەردە، سونداي-اق Healthy Food سەگمەنتىندە پايدالانۋعا بولادى.
قىزىعۋشىلىق تانىتقان كاسىپورىندار ءۇشىن ازىرلەمەنى وندىرىسكە ەنگىزۋ ماقساتىندا تەحنولوگيالىق قۇجاتتامانى دايىنداۋ جانە تاپسىرۋ مۇمكىندىگى قاراستىرىلعان.
ايتا كەتەلىك قازاقستاندىق عالىمدار بال مەن زىمبىردەن جاڭا سۋسىن ازىرلەگەن ەدى.