2026 -جىلدىڭ 9-قاراشاسىندا الانيادا دۇنيەجۇزىلىك جۋرناليستەر كەڭەسىنىڭ (Küresel Gazeteciler Konseyi - KGK) VI ءماجىلىسى اياسىندا عالامدىق جەتىستىك سىيلىعىمەن ماراپاتتاۋ ءراسىمى ءوتتى. عىلىم سالاسىنداعى عالامدىق Global Elm Award سىيلىعى قازاق عالىمى سۇلتانحان جۇسىپكە تاپسىرىلدى. بۇل سىيلىق الاش تاريحىن قالپىنا كەلتىرۋدەگى ەڭبەگى ءۇشىن بەرىلدى.
اتاپ ايتقاندا، سۇلتانحان اققۇل ۇلى رەسەي، بەلارۋس، چەحيا جانە قازاقستاننىڭ مۇراعات، كىتاپحانا، مۇراجايلارىن ونداعان جىل زەرتتەپ، الاشتىڭ باعا جەتپەس باي مۇراسىن جيناپ، حالقىنا قايتا ۇسىندى. بۇل اۋقىمدى ەڭبەك الەمدىك باعاسىن الدى.
الانياعا 32 ەلدەن جينالعان 350 جۋرناليستىڭ الدىندا قازاق عالىمىنىڭ ەسىمى پرەزيدەنتتەر، ديپلوماتتار، قوعام قايراتكەرلەرى ەسىمدەرىمەن قاتار اتالدى.
ايتا كەتەيىك، جاھاندىق جەتىستىك سىيلىعىن (Küresel Başari ضdülleri) بۇكىل الەمدىك جۋرناليستەر كەڭەسى ىسمايىل عاسپىرالى اتىنداعى اكادەميانىڭ قورىمەن بىرلەسىپ تاعايىندادى.