بۇل جونىندە قازاقستان فۋتبول فەدەراتسياسىنىڭ كەڭەسشىسى نۇرسۇلتان قۇرمان الەۋمەتتىك جەلىدەگى پاراقشاسىندا ءمالىم ەتتى.
ءالي اليەۆ 1980-جىلى 27- قازاندا الماتى قالاسىندا دۇنيەگە كەلگەن. فۋتبولشى مانسابىندا «سسكا- قايرات»، «قايرات»، «ەرتىس»، «توبىل»، «شىعىس»، «ورداباسى» جانە « قىزىلجار» كلۋبتارىندا وينادى.
سونداي-اق تۇركيانىڭ «اكچاابات سەباتسپور»، «كايسەري ەردجيەسپور»، «كارتالسپور» جانە «ديارباكىرسپور» كوماندالارىندا ويىن كورسەتكەن.
1999 -جىلى قازاقستان جاستار قۇراماسى ساپىندا نيگەريادا وتكەن جاستار اراسىنداعى الەم چەمپيوناتىنا قاتىستى. ۇلتتىق قۇراما ساپىندا العاشقى ماتچىن 2002 -جىلى ەستونياعا قارسى وتكىزدى.
باپكەرلىك مانسابىن 2014 -جىلى «ورداباسى» ساپىندا ويىنشى ءارى باپكەر رەتىندە باستادى.
2018 -جىلى « قىزىلجار» كلۋبىنىڭ تىزگىنىن ۇستاپ، پرەمەر- ليگاعا شىعاردى. 2021 -جىلى قاراعاندىنىڭ «شاحتەر» كلۋبىندا باس باپكەر بولسا، ودان كەيىن «استانا» فۋتبول كلۋبىنىڭ جاستار كومانداسىن باسقاردى.
2022 -جىلى «جەڭىس» كومانداسىن جاتتىقتىردى. قايتادان « قىزىلجارعا» ورالىپ، پەتروپاۆلدىق كلۋب ۋەفا كونفەرەنتسيا ليگاسى ىرىكتەۋ كەزەڭىنىڭ ءۇشىنشى اينالىمىنا دەيىن جەتتى.
2025 -جىلدىڭ قاڭتار ايىندا قازاقستان ۇلتتىق قۇراماسىنىڭ باس باپكەرى مىندەتىن اتقارۋشى بولىپ تاعايىندالدى.
ونىڭ جەتەكشىلىگىمەن ۇلتتىق قۇراما 2026 -جىلعى الەمە چەمپيوناتىنا ىرىكتەۋ كەزەڭىندە ۋەلستەن (1:3) جەڭىلىپ، ليحتەنشتەيندى (2:0) تىزە بۇكتىردى.
ەندى ەل قۇراماسى الداعى ويىنىن 9 -ماۋسىمدا ءوز الاڭىندا سولتۇستىك ماكەدونيا قۇراماسىنا قارسى وتكىزەدى.