عالام عاجاپتارى: قوشتاسۋعا ءۇش مينۋت جەتكىلىكتى

  جاڭا زەلاندياداعى اۋەجايدا ءۇش مينۋتتان ارتىق قۇشاقتاسۋعا بولمايدى.

باسشىلىقتىڭ ايتۋىنشا، ۇزاققا سوزىلعان قوشتاسۋ مەن قاۋىشۋدان اۋەجايعا كوپ ادام جينالىپ قالادى. سونىڭ سالدارىنان جۇمىستىڭ ونىمدىلىگى ازايادى- مىس. شەكتەۋدىڭ نەگىزگى سەبەبى - وسى. «ال سونشا كوپ ادامنىڭ ۋاقىتىن كىم ەسەپتەپ وتىرادى؟» دەيتىن شىعارسىز. دانيدين حالىقارالىق اۋەجايى بۇل ماسەلەنى دە نازاردان تىس قالدىرماعان. مەكەمەدە ورناتىلعان ارنايى قۇرىلعى ءار سەكۋندتى ەسەپتەپ، ەرەجەنى ەلەمەگەندەرگە ايىپپۇل ارقالاتادى.

جالعان اقپاراتتى انىقتايدى

«YouTube» پلاتفورماسى بۇدان بىلاي جاساندى ينتەللەكت جاساعان بەينەتاسپانى تاني الادى.

نەيروجەلى كەيىنگى كەزدە قارقىندى دامىپ، ءتۇرلى سالادا كەڭىنەن قولدانىلا باستادى. بۇنىڭ يگىلىگىمەن قاتار قيعىلىعى دا بولدى. سونىڭ ءبىرى جەلى قولدانۋشىلارى جاساندى زەردە جاساعان جالعان مالىمەتتى اقيقات اقپاراتتان اجىراتا المايتىن. ەندى «YouTube» جەلىسىندە شىنايى بەينەتاسپالارعا «كامەرامەن تۇسىرىلگەن» بەلگىسى قويىلادى. بۇل پلاتفورما كورەرمەندەرىنە كونتەنتتىڭ ارا- جىگىن انىقتاۋعا مۇمكىندىك بەرەدى.

توق جۇرگىزىلگەن جول

الەمدە اسفالت جول سالۋدا ءتۇرلى وزىق تەحنولوگيانى قولدانىپ، جاقسى ناتيجەگە جەتكەن ەل كوپ. مىسالى، گەرمانيادا سالىنعان جولعا كەمى 30 جىل كەپىلدىك بار. ياعني مەردىگەر وسى مەرزىم وتكەنشە تەحنيكالىق جاعدايىنا جاۋاپتى. ال فينليانديا قىستىگۇنى جولداردى توقپەن جىلىتىپ وتىرادى.

تەمپەراتۋرا بەلگىلى مەجەگە دەيىن تومەندەگەندە قۇرىلعى اۆتوماتتى تۇردە جىلىتۋ جۇيەسىن ىسكە قوسادى. دەمەك ول كەرەك ۋاقىتتا عانا جۇمىس ىستەپ، ەلەكتر ەنەرگياسىن ارتىق شىعىندامايدى. بۇل تەحنولوگيا جول قۇرىلىسى كەزىندە قىمبات بولعانىمەن، كەيىن ءوزىن- ءوزى اقتايدى. ويتكەنى كۇننىڭ سۋىعىندا مۇز قاتىپ، قايتا ەرىگەننەن جولدار بۇلىنەدى، ال جىلىتۋ ارقىلى جول جامىلعىسىنىڭ پايدالانۋ مەرزىمى ۇلعايادى.

بەكزات قۇلشار

egemen.kz