قالالىق پوليتسيا دەپارتامەنتىنىڭ مالىمەتىنشە، ZEEKR اۆتوكولىگىنىڭ جۇرگىزۋشىسى تەرگەۋ يزولياتورىنا جەتكىزىلدى. بۇعان دەيىن كۇدىكتى مەديتسينالىق مەكەمەدە ايداۋىلمەن بولعان.
- ول قىلمىستىق ءىس اياسىندا ءارى قاراي كۇزەتپەن ۇستاۋ ءۇشىن تەرگەۋ يزولياتورىنا اۋىستىرىلدى، - دەپ حابارلادى دەپارتامەنتتەن.
ەسكە سالايىق، 21-ناۋرىزعا قاراعان ءتۇنى Zeekr كولىگىنىڭ جۇرگىزۋشىسى ءال-فارابي داڭعىلىنىڭ بويىمەن كەلە جاتىپ، قارسى قوزعالىس جولاعىنا شىعىپ كەتىپ، Mercedes اۆتوكولىگىمەن سوقتىعىسقان. جول اپاتى سالدارىنان Mercedes كولىگىنىڭ جۇرگىزۋشىسى مەن ەكى جولاۋشىسى وقيعا ورنىندا قازا تاپتى.
اتالعان دەرەك بويىنشا ق ر قىلمىستىق كودەكسىنىڭ 345-بابى 4-بولىگى بويىنشا قىلمىستىق ءىس قوزعالدى. بۇل باپ بويىنشا 10 جىلعا دەيىن باس بوستاندىعىنان ايىرۋ جازاسى قاراستىرىلعان.
ىشكى ىستەر ءمينيسترى ەرجان سادەنوۆ الماتىداعى جول اپاتىنان كەيىن ءبىرقاتار باسشى قىزمەتىنەن بوساتىلعانىن مالىمدەدى.
سونداي-اق الماتىدا «STOP بۇزۋشىلىق» اۋقىمدى وپەراتسياسى باستالىپ، 4 ءوڭىردىڭ پوليتسيا قىزمەتكەرلەرى كەلدى.
مەگاپوليس كوشەلەرىندە تۇنگى ۋاقىتتا ۋاقىتشا پوليتسيا بەكەتتەرى جۇمىس ىستەپ جاتىر.