ءابيبا ءابۋجاقىنوۆا «ۇلكەن دۋلىعا» تۋرنيرىنىڭ جارتىلاي فينالىنا ءوتتى

استانا. KAZINFORM - دزيۋدودان تۇركيانىڭ انتاليا قالاسىندا ءوتىپ جاتقان «ۇلكەن دۋلىعا» تۋرنيرىندە ءابيبا ءابۋجاقىنوۆا جارتىلاي فينالعا ءوتتى.

حالىقارالىق تۋرنيردە 48 كەلىدە سىنعا ءتۇسىپ جاتقان سپورتشى شيرەك فينالدا ا ق ش- تان كەلگەن ماريا تسەليا لابوردپەن نەگىزگى ۋاقىتتا تەڭ ءتۇستى. قوسىمشا golden score كەزەڭىندە قارسىلاسىن قاپى قالدىردى.

ەندى فينال جولداماسى ءۇشىن ابيبا 3 دۇركىن الەم چەمپيونى جاپونيالىق ناتسۋمي سونودامەن بەلدەسەدى.

ايتا كەتسە، 29-31-ناۋرىزدا تۇركيانىڭ انتاليا قالاسىندا دزيۋدودان وتەتىن Grand Slam تۋرنيرى وتەدى. وندا ەلىمىزدىڭ اتىنان ەرلەر جانە ايەلدەر قۇراماسى باق سىنايدى.