ءا. سمايىلوۆتىڭ كابينەتى 10 بالعا تاتىمايتىن ۇكىمەت بولدى - ەلنۇر بەيسەنبايەۆ

استانا. KAZINFORM - ماجىلىستەگى «Amanat» پارتياسى فراكسياسىنىڭ جەتەكشىسى ەلنۇر بەيسەنبايەۆ ءا. سمايلوۆتىڭ ۇكىمەت باسشىسى لاۋازىمىنداعى قىزمەتىنە باعا بەردى.

«مەنىڭ ويىمشا، قازىرگى پرەمەر- ءمينيستردىڭ قارجى سالاسىنداعى، وسى تىكەلەي كوررۋپتسيا سالاسىنداعى قىزمەتى بيۋدجەتتى تولتىرۋعا تىكەلەي كاسىبي بىلىكتىلىگى جەتەدى دەپ ويلايمىن»، - دەگەن ەلنۇر بەيسەمبايەۆ جۋرناليست ساۋالىنا وراي ەكس-پرەمەر ءاليحان سمايىلوۆتىڭ باستى كەمشىلىگىن اتادى.

«ءا. سمايىلوۆتىڭ تۇسىنا كەلسەك، ونى دا ءبىز Amanat پارتياسى ۇسىنعان بولاتىن. سەنىمدى اقتامادى دەپ ايتۋعا بولمايدى. ەكونوميكالىق ءوسىم بولدى، بيۋدجەت 24 تريلليون تەڭگەگە كوتەرىلدى. سمايىلوۆتىڭ تۇسىندا ءبىز زاڭسىز شىعارىلعان اكتيۆتەر، «ۇلتتىق قور - بالالارعا» سياقتى ماڭىزدى زاڭداردى ەل ءۇشىن قابىلدادىق. سول سەبەپتى ءا. سمايىلوۆتىڭ دا جۇمىسىنا مەملەكەت باسشىسى وڭ باعا بەرىپ وتىر. وتستاۆكاعا كەتۋىنە كەلسەك، قازىرگى ۇكىمەتتىڭ ءدال وسى قارقىنمەن قويىپ وتىرعان ماقساتتارعا جەتە المايتىنىنا مەملەكەت باسشىسىنىڭ كوزى جەتىپ وتىر.

ۇكىمەتتىڭ كەيبىر تۇستارى ولقى بولدى. 10 بالدىق شكالامەن باعا بەرۋ ماعان قيىنداۋ. ارينە، 10 بالعا تاتىمايتىن ۇكىمەت بولدى»، - دەدى ەلنۇر بەيسەنبايەۆ.

ايتا كەتەيىك، بۇگىن ولجاس بەكتەنوۆ پرەمەر- مينيستر بولىپ تاعايىندالدى.

اۆتور

ەسىمجان ناقتىباي