م ءا م س جۇيەسىنەن تىس قالىپ وتىرعان ادامداردىڭ سانى ناقتىلاندى

استانا. KAZINFORM - م ءا م س- كە قوسىمشا 1 ميلليوننان استام ادام تارتىلىپ، ولاردىڭ ءبىرازى ءتيىستى كومەك الدى. بۇل تۋرالى قۇرىلتايداعى الەۋمەتتىك-مادەني دامۋ كوميتەتىندە م ءا م س جۇيەسىن دامىتۋ بويىنشا تاقىرىپتىق وتىرىستا ق ر دەنساۋلىق ساقتاۋ ءبىرىنشى ۆيتسە-ءمينيسترى تيمۋر سۇلتانعازيەۆ ايتتى.

Коллаж: Kazinform/Freepik

اتاپ ايتقاندا، جۇمىسسىز ازاماتتار مەن حالىقتىڭ الەۋمەتتىك وسال ساناتتارىنا جاتاتىن (D جانە E دەڭگەيلەرى) ازاماتتار ءۇشىن مەديتسينالىق ساقتاندىرۋ جارنالارىن تولەۋ مىندەتتەمەسى جەرگىلىكتى بيۋجەتتەرگە جۇكتەلدى.

- 2026-جىلى 1-قاڭتاردان تىركەلگەن جۇمىسسىزدار مەن D جانە E ساناتىنداعى ازاماتتار ءۇشىن جارنالار بەلگىلەنگەن تارتىپپەن جەرگىلىكتى بيۋجەتتەن تولەنەتىن بولدى. بۇل ماقساتتاعى جالپى سيپاتتاعى ترانسفەرت جىل سايىن 30 ميلليارد تەڭگەدەن كوزدەلگەن. ناتيجەسىندە، جۇيەگە قوسىمشا 1 ميلليوننان استام ادام تارتىلدى. ونىڭ ىشىندە D جانە E ساناتىنداعى 815 مىڭ ادام بار، - دەدى ت. سۇلتانعازيەۆ.

ونىڭ ايتۋىنشا، بيىلعى جەتى ايدا وسى ساناتتاعى 191 مىڭ ادام 22 ميلليارد تەڭگەگە مەديتسينالىق كومەك العان.

- سونىمەن قاتار، 2,8 ميلليونعا جۋىق ادام قازىردىڭ وزىندە م ءا م س جۇيەسىنەن تىس قالىپ وتىر، - دەدى ول.

ۆيتسە-ءمينيستردىڭ سوزىنە قاراعاندا، 2027-جىلدان باستاپ مەملەكەتتىك جارنا مولشەرلەمەسى 2 پايىزدان 2,2 پايىزعا دەيىن ارتادى جانە 2037-جىلعا قاراي بىرتىندەپ 4,7 پايىزعا جەتەدى. كەلەسى جىلى قوسىمشا 67 ميلليارد تەڭگە تۇسەدى دەپ ەسكەرىلگەن.

بۇعان دەيىن حابارلانعانداي، م ءا م س جۇيەسىندە قارجىلىق باقىلاۋدىڭ جاڭا مودەلى ەنگىزىلدى.