بيىلدان باستاپ يلون ماسك قازاقستانعا ينتەرنەت تارتادى

قازاقستاندا يلون ماسكتىڭ SpaceX كومپانياسىنا تيەسىلى Starlink جوباسى اياسىندا سپۋتنيكتىك ينتەرنەت قولجەتىمدى بولادى. 

بۇل تۋرالى سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى مەن Starlink اراسىنداعى كەلىسىمنەن كەيىن بەلگىلى بولدى.

مينيستر جاسلان ماديەۆتىڭ ايتۋىنشا، بۇعان دەيىن Starlink تەك پيلوتتىق رەجيمدە جۇمىس ىستەپ، ينتەرنەتتى مەكتەپتەرگە عانا ۇسىنىپ كەلگەن. حالىققا رەسمي تۇردە قولجەتىمدى بولماعان. ەندى تاراپتار كەلىسىمگە كەلىپ، كومپانيا قازاقستاننىڭ اقپاراتتىق قاۋىپسىزدىك پەن بايلانىس سالاسىنداعى زاڭنامالىق تالاپتارىن تولىق ورىنداۋعا مىندەتتەلدى. وسىلايشا، 2025 -جىلدىڭ ىشىندە بارلىق قاجەتتى شارالار جۇزەگە اسىرىلىپ، ازاماتتار رەسمي ءارى زاڭدى تۇردە سپۋتنيكتىك ينتەرنەتكە قوسىلا الادى.

كەلىسىم بويىنشا ەندى قازاقستاندىقتار Starlink تەرمينالدارىن رەسمي تۇردە ساتىپ الىپ، قولدانا الادى جانە تىركەي الادى. بۇعان دەيىن بۇل جابدىق تەك ءبىلىم بەرۋ مەكەمەلەرىندەگى پيلوتتىق جوبالاردا قولدانىلعان جانە كەڭ اۋقىمدى پايدالانۋشىلارعا قولجەتىمسىز بولعان.

كومپانيا ەندى قازاقستان زاڭناماسىنىڭ بارلىق تالاپتارىنا، سونىڭ ىشىندە اقپاراتتىق قاۋىپسىزدىك پەن بايلانىس ستاندارتتارىنا ساي جۇمىس ىستەيتىنىن راستادى. Starlink قۇرىلعىلارىن ساتۋ 2025 -جىلدىڭ ءۇشىنشى توقسانىندا باستالادى دەپ جوسپارلانىپ وتىر.

قازاقستاننىڭ شالعاي وڭىرلەرى ينتەرنەتپەن قامتىلادى
جوبا ەڭ الدىمەن تالشىقتى- وپتيكالىق جەلى جۇرگىزۋ ەكونوميكالىق نەمەسە تەحنيكالىق تۇرعىدا مۇمكىن ەمەس ەلدى مەكەندەردى جوعارى جىلدامدىقتى ينتەرنەتپەن قامتۋدى كوزدەيدى. بۇل - جايىلىمدار، تاۋلى اۋىلدار، شالعاي كاسىپورىندار مەن تسيفرلىق ينفراقۇرىلىمنان تىس قالعان وزگە دە ايماقتار.

Starlink ينتەرنەتى اۋىل مەكتەپتەرىنە، مەديتسينالىق مەكەمەلەرگە، ءموبيلدى توپتارعا جانە ينفراقۇرىلىم نىساندارىنا قولجەتىمدى بولادى.

Starlink دەگەنىمىز نە؟
Starlink - يلون ماسكتىڭ SpaceX كومپانياسى ازىرلەگەن جاھاندىق سپۋتنيكتىك ينتەرنەت جۇيەسى. ول جەردىڭ تومەنگى وربيتاسىندا (شامامەن 550 ك م) اينالاتىن مىڭداعان سپۋتنيك ارقىلى ەڭ شالعاي جانە قول جەتۋى قيىن ايماقتاردىڭ وزىندە جوعارى جىلدامدىقتى ينتەرنەتپەن قامتاماسىز ەتەدى.

ءداستۇرلى سپۋتنيكتىك ينتەرنەتپەن سالىستىرعاندا، Starlink تەگى سيگنالدىڭ كىدىرۋ ۋاقىتى (ping) تومەن، بۇل ۆيدەوبايلانىس، ستريمينگ جانە ونلاين جۇمىس ىستەۋگە مۇمكىندىك بەرەدى، ءتىپتى اۋىلدىق جەرلەردە دە.

جۇيە قۇرامىنا مىنالار كىرەدى:

سپۋتنيككە اۆتوماتتى تۇردە باعىتتالاتىن تەرمينال- تاباقشا (Dish)
Wi-Fi روۋتەر
قوسىلۋ مەن باقىلاۋعا ارنالعان Starlink قوسىمشاسى

ەسكە سالا كەتەيىك، 2023 -جىلى قازاقستان ازاماتتارىنا Starlink ينتەرنەتىن قولدانۋعا تىيىم سالىنعانى تۋرالى اقپارات تاراعان بولاتىن. كەيىن مينيستر جاسلان ماديەۆ بۇل قىزمەتتى زاڭداستىرۋ باعىتىندا كەلىسسوزدەر ءجۇرىپ جاتقانىن مالىمدەگەن ەدى. ەندى، مىنە، ناقتى قادام جاسالىپ، Starlink ينتەرنەتى ەلىمىزدە رەسمي ىسكە قوسىلادى.

Massaget.kz