بيىلعى ەرەكشە جاڭبىرلى جاز ەگىن شىعىمىنا قالاي اسەر ەتەدى

استانا. KAZINFORM - وسى جازدا ەلدىڭ ءبىرقاتار ايماقتارىندا جاۋىن-شاشىن ءجيى جاۋىپ، بۇل ەگىننىڭ ساپاسىنا قاتىستى الاڭداۋشىلىق تۋعىزدى. Kazinform اگەنتتىگى بۇل جونىندە ساراپشىلار پىكىرىن ۇسىنادى.

قازاقستاندا شىلدە ايى وتە جاڭبىرلى بولدى. ەلدىڭ باسىم بولىگىندە ءجيى جانە قارقىندى جاۋىن-شاشىن بايقالادى، نايزاعاي، بۇرشاق جانە قاتتى جەل قاتار ءجۇردى.

ەلدىڭ ءارتۇرلى ايماقتارىندا، ءتىپتى ءداستۇرلى قۇرعاق جانە ىستىق وڭتۇستىكتە دە اۋا تەمپەراتۋراسى اۋىتقۋدا.

ق ر اۋىل شارۋاشىلىعى مينيسترلىگى قازىرگى اۋا رايى جاقسى ءونىم الۋعا مۇمكىندىك بەرەتىنىن اتاپ ءوتتى.

«بۇگىندە جەرگىلىكتى اتقارۋشى ورگانداردىڭ مالىمەتىنشە، ەگىستىڭ p جاقسى جاعدايدا، ال 0 قاناعاتتانارلىق جاعدايدا. بۇل رەتتە، سۋارۋ ەزەڭىندەگى، ەگىن جيناۋ جۇمىستارىنداعى اۋا رايى ماڭىزدى فاكتور بولىپ سانالادى. قازىرگى اۋا رايى جاقسى ءونىمدى بولجاۋعا مۇمكىندىك بەرەدى»، - دەپ جاۋاپ بەردى ۆەدومستۆو.

ساكەن سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ ەگىنشىلىك جانە وسىمدىك شارۋاشىلىعى كافەدراسىنىڭ قاۋىمداستىرىلعان پروفەسسورى، PhD دوكتورى ادىلبەك نوعايەۆ تا بيىل جاۋىن-شاشىننىڭ ەگىنگە اسەرى تۋرالى ءوز پىكىرىن ايتتى.

«جاڭبىر ءداندى داقىلداردىڭ ۆەگەتاتسيالىق كەزەڭىن كەشىكتىرۋى مۇمكىن، بۇل ەگىن ساپاسىنا اسەر ەتۋى مۇمكىن. ءبىراق، تۇتاستاي العاندا، ونىمدىلىك بيىل جاقسى بولادى دەپ ويلايمىن، ءبىراق ءبارى ەگىن جيناۋ جاعدايىنا جانە وسى كەزەڭدە جاڭبىر جاۋا ما، جوق پا - سوعان بايلانىستى»، - دەدى ول.

ساراپشى كوكتەمنىڭ ۇزاققا سوزىلعان جاڭبىرى ەگىس ناۋقانىن كەشىكتىرىپ، فەرمەرلەر جۇمىسىنا اسەر ەتكەنىن ەسكە سالدى.

كوپتەگەن فەرمەرلەر ەگىن ەگۋدى تەك ماۋسىمدا باستاۋعا ءماجبۇر بولدى.

ونىڭ پىكىرىنشە، بۇل بيدايدىڭ ءپىسىپ ۇلگەرمەۋ قاۋپىن تۋدىرادى جانە ونىڭ ساپاسىنا اسەر ەتەدى.

اۆتور
ايجان سەرىكجان قىزى