بيىلعى نەگىزگى ۇ ب ت- عا تىركەلۋ اياقتالدى

استانا. KAZINFORM - بيىلعى جىلعى ۇ ب ت- عا 186 مىڭعا جۋىق تالاپكەردەن ەكى مۇمكىندىكتى ەسەپكە العاندا 342 مىڭعا جۋىق ءوتىنىش قابىلداندى. بۇل جايىندا ۇلتتىق تەستىلەۋ ورتالىعىنان حابارلاندى.

ونىڭ ىشىندە تەست تاپسىرۋشىلاردىڭ 75 پايىزى - قازاق تىلىندە، 25 پايىزى - ورىس تىلىندە، 229 ادام - اعىلشىن تىلىندە ۇ ب ت- عا قاتىسۋعا ءوتىنىش ءبىلدىردى.

ەستەرىڭىزگە سالا كەتەيىك، گرانتقا ۇمىتكەرلەرگە ۇ ب ت- نى تاپسىرۋعا ەكى مۇمكىندىك بەرىلەدى.

بۇل رەتتە ءار تالاپكەر تەستىلەۋدى ەكى رەت تاپسىرىپ، ەڭ جاقسى ناتيجەمەن گرانت كونكۋرسىنا قاتىسا الادى.

ايتا كەتەيىك، تالاپكەرلەر تەستىلەۋگە ءوتىنىش بەرۋ بارىسىندا ەكى مۇمكىندىك ءۇشىن بەيىندىك پاندەردىڭ ءبىر عانا كومبيناتسياسىن بەلگىلەدى.

تۇلەكتەردىڭ 16 پايىزى - «ماتەماتيكا-فيزيكا»، 16 پايىزى - «بيولوگيا-حيميا»، 13 پايىزى - «شىعارماشىلىق»، 11 پايىزى - «ماتەماتيكا-ينفورماتيكا» پاندەرىن تاڭدادى.

قالعان تالاپكەرلەر كوللەدجدەن كەيىنگى قىسقارتىلعان وقۋ ءتۇرىن تاڭدادى.