بيىلعى جىلى ترەند بولىپ جاتقان تۇستەر

جىل سايىن ءسان مەن ديزاين الەمىندە ماۋسىمنىڭ باستى ءتۇسى تاڭدالادى. بۇل ءتۇس سول كەزەڭنىڭ كوڭىل كۇيىن ايقىندايدى جانە ترەندتەردىڭ باعىتىنا اسەر ەتەدى. ماۋسىم تۇسىنە قاتىستى ءوز كوزقاراسىن Pantone تۇستەر ينستيتۋتى مەن ترەندتەردى بولجايتىن حالىقارالىق كومپانيا WGSN ۇسىنادى.

كوگىلدىر- كوك رەڭكتەر (Aqua Blue ،Sky Blue). بۇل ءتۇس تىنىشتىق پەن سەنىمدىلىكتى بەينەلەيدى. تابيعاتپەن بايلانىستى، اسىرەسە سۋ ەلەمەنتىنە ۇقساس.

نازىك قىزعىلت (Peach Fuzz - Pantone 2024 ءتۇسى). Pantone كومپانياسى 2024 -جىلدىڭ ءتۇسى رەتىندە «Peach Fuzz» دەپ اتالاتىن جىلى، جۇمساق شابدالى رەڭكىن تاڭدادى. ول نازىكتىك پەن قامقورلىقتى بىلدىرەدى جانە بۇل ترەند بىرنەشە جىلعا سوزىلۋى مۇمكىن.

جاسىلدىڭ تابيعي رەڭكتەرى (Olive ،Sage ،Fern Green). ەكولوگيا مەن تابيعاتقا جاقىن بولۋعا دەگەن ۇمتىلىسپەن بايلانىستى. كيىمدە دە، ينتەرەردە دە تانىمال بولا باستادى.

جىلى توپىراق تۇستەرى (Terracotta, Rust, Clay). تابيعي ماتەريالداردى ەسكە تۇسىرەتىن بۇل تۇستەر تۇراقتىلىق پەن جايلىلىقتى بىلدىرەدى.

مەتال رەڭكتەرى (Silver ،Chrome ،Liquid Gold). كيىم، اكسەسسۋار جانە ينتەرەر ديزاينىندا ءجيى كەزدەسەدى.

كلاسسيكالىق قارا جانە اق. بۇلار ەشقاشان ساننەن شىقپايدى، ءبىراق الداعى جىلدارى مينيماليستىك ستيلمەن ۇيلەسىپ، ەرەكشە فورمالاردا كورىنىس تابۋى مۇمكىن.