بيىلعى جىلى قازاقستاندا شەتەلدىك جۇمىسكەرلەرگە بولىنگەن كۆوتا سانى جاريالاندى

ق ر ەڭبەك جانە حالىقتى الەۋمەتتىك قورعاۋ مينيسترلىگى ىشكى ەڭبەك نارىعىن قورعاۋ ماقساتىندا جىل سايىن جۇمىس بەرۋشىلەردىڭ قاجەتتىلىكتەرىنە قاراي شەتەلدىك جۇمىس كۇشىن تارتۋعا كۆوتا مولشەرىن بەكىتىپ، بولەدى. 2024 -جىلى بولىنگەن جالپى كۆوتا سانى ەلىمىزدەگى جۇمىس كۇشىنىڭ 0,23 پايىزىن نەمەسە 22 مىڭدى قۇرايدى، دەپ حابارلايدى Kazinform.

«2024 -جىلى شەتەلدەن جۇمىس كۇشىن تارتۋ بويىنشا 4 ساناتتا كۆوتا ءبولىندى: ءبىرىنشى سانات بويىنشا 906 رۇقسات (باسشىلار جانە ولاردىڭ ورىنباسارلارى)، ەكىنشى سانات - 5054 رۇقسات (قۇرىلىمدىق بولىمشەلەردىڭ باسشىلارى). رۇقساتتاردىڭ نەگىزگى بولىگى ءۇشىنشى (ماماندار) جانە ءتورتىنشى (بىلىكتى جۇمىسشىلار) ساناتتارعا جاتادى - تيىسىنشە 10786 جانە 2888 بىرلىك. سونداي-اق ماۋسىمدىق جۇمىستارعا 2366 ادامعا دەيىن جۇمىس كۇشى تارتىلۋى مۇمكىن»، - دەپ جازدى مينيسترلىكتەن.

بۇدان باسقا، 2024 -جىلى ءۇي شارۋاشىلىقتارىندا جۇمىس ىستەۋ ءۇشىن ەڭبەك يمميگرانتتاردى تارتۋعا ارنالعان كۆوتا رەسپۋبليكاداعى جۇمىس كۇشىنىڭ سانىنا قاتىستى %3,1 نەمەسە 271,3 مىڭ بىرلىك مولشەرىندە بەلگىلەنگەن.

ەستەرىڭىزگە سالا كەتەيىك، 2023 -جىلى جەرگىلىكتى اتقارۋشى ورگاندار جۇمىس بەرۋشىلەرگە ش ج ك تارتۋ ءۇشىن 14,5 مىڭ رۇقسات بەردى جانە ۇزارتتى، بۇل قايتا بولىنگەن كۆوتانىڭ x,5 ىن (18 مىڭ) قۇرادى.

«قازىرگى ۋاقىتتا قازاقستان اۋماعىندا جەرگىلىكتى اتقارۋشى ورگانداردىڭ رۇقساتى بويىنشا 13183 شەتەل ازاماتى جۇمىس ىستەيدى.

2023 -جىلى ءۇي شارۋاشىلىقتارىندا جۇمىس ىستەۋ ءۇشىن ەڭبەك يمميگرانتتارىن تارتۋعا 305,8 مىڭ بىرلىك كۆوتا بەلگىلەندى. ال جەرگىلىكتى اتقارۋشى ورگاندار 295261 رۇقسات بەردى»، - دەلىنگەن دەرەكتە.