بيىلعى جىل باقىلاۋ جۇرگىزۋ باستالعالى بەرگى كەزەڭدەگى ەڭ جىلى جىل بولماق

2023 -جىل - باقىلاۋ جۇرگىزىلە باستالعان جىلدار ىشىندەگى ەڭ جىلىسى بولماق. قاراشا - تەمپەراتۋرالىق رەكورد ورناتقان قاتارىنان التىنشى اي بولعاندىقتان، كليماتتىڭ وزگەرۋى جونىندەگى Copernicus ەۋروپالىق قىزمەتى وسىنداي قورىتىندى جاساعان. Kazinform بۇل تۋرالى Euronews-كە سىلتەمە جاساپ حابارلايدى.

ەۋروپادا 2023 -جىلدىڭ قىركۇيەك- قاراشا ايلارىنداعى ورتاشا تەمپەراتۋرا 10,96 گرادۋس بولدى. بۇل ورتاشا كورسەتكىشتەن 1,43 گرادۋس جوعارى.

قاراشا ايىنداعى ورتاشا تەمپەراتۋرا - 14,22 گرادۋس، بۇل كەيىنگى 30 جىلداعى ورتاشا كورسەتكىشتەن 0,85 گرادۋس جىلى.

الەم ەلدەرىندە قاراشا ايىندا تەرمومەتر باعانى جوعارى بولدى. بۇل جەلتوقسان كورسەتكىشتەرىن ەسەپكە الماعاننىڭ وزىندە 2023 -جىل تاريحتاعى ەڭ جىلى جىل بولاتىنىن كورسەتىپ وتىر. وسىعان دەيىن بۇل رەكورد 2016 -جىلدىڭ ەنشىسىندە ەدى.

Copernicus عالىمدارىنىڭ ەسەپتەۋىنشە، كۇننىڭ جىلىنۋى كليماتتىڭ وزگەرۋىنە قارسى 2015 -جىلعى پاريج كەلىسىمىنە ساي دۇنيەجۇزى مەملەكەتتەرى بەلگىلەگەن حالىقارالىق مەجەگە جاقىنداپ قالدى.

اۆتور

زارينا تۋعانبايەۆا