بيىلعى جاز جىلداعىدان ىستىق بولادى - ەكولوگيا ءمينيسترى
12:09, 15 - ءساۋىر 2025
استانا. KAZINFORM - ەكولوگيا جانە تابيعي رەسۋرستار ءمينيسترى ەرلان نىسانبايەۆ وبلىس اكىمدىكتەرىن ورتكە قارسى دايىندىقتى كۇشەيتۋگە شاقىردى.
ۇكىمەت وتىرىسىندا مينيستر ورمان كۇزەتىنە جاۋاپتى ورگانداردىڭ ورتكە قارسى دايىندىعى تۋرالى بايانداما جاساعان.
- «قاگيدرومەتتىڭ» بولجامى بويىنشا بيىل جاز وتكەن جىلدارعا قاراعاندا ىستىق بولادى. وسىعان بايلانىستى وبلىس اكىمدىكتەرى دالا ورتتەرىنىڭ الدىن الىپ، جويۋ باعىتىندا جان-جاقتى شارالار قابىلداپ، ورمان شارۋاشىلىقتارىنىڭ كۇشتەرى مەن قۇرالدارىن تولىق دايىندىققا كەلتىرۋ قاجەت، - دەدى ۆەدومستۆو باسشىسى.
ايتا كەتەيىك، شىعىس قازاقستان وبلىسى زايسان اۋدانىندا ءورت سوندىرۋشىلەر قامىس پەن ءشوپتى شارپىعان ءتىلسىز جاۋمەن ءالى كۇرەسىپ جاتىر.