بيىل «ورتالىق ازيا - ەۋرووداق» سامميتى وزبەكستاندا وتەدى
تاشكەنت. KAZINFORM - ەۋرووداق پەن ورتالىق ازيا ەلدەرىنىڭ سامميتى 2025 -جىلدىڭ ساۋىرىندە سامارقاندا وتەدى، دەپ حابارلايدى Kazinform اگەنتتىگىنىڭ مەنشىكتى ءتىلشىسى.
بۇل تۋرالى ەۋرو وداقتىڭ وزبەكستانداعى ەلشىسى تويۆو كلاارمەن كەزدەسكەن كورشىلەس ەل پرەزيدەنتىنىڭ كومەكشىسى سايدا ميرزيەۆا ءمالىم ەتتى.
- تويۆو كلاار مىرزا ايەلدەردىڭ قۇقىعىن قورعاۋ جانە ولارعا جاڭا مۇمكىندىك ۇسىنۋعا باعىتتالعان ەلدەگى وزگەرىستەردى جوعارى باعالادى. سونداي-اق، ول وزبەكستان ءوزىنىڭ باي تاريحىنا قۇرمەتپەن قارايتىنىن جانە ۇلتتىق بىرەگەيلىكتى نىعايتۋعا اسا كوڭىل بولەتىنىن اتاپ ءوتتى،- دەپ جازدى سايدا ميرزيەۆا ءوزىنىڭ Telegram ارناسىندا.
ايتا كەتەيىك، بىلتىر قىركۇيەكتە شاۆكات ميرزيەۆ «ورتالىق ازيا - ەۋرووداق» فورماتىنداعى كەزەكتى سامميتتى وزبەكستاندا وتكىزۋدى ۇسىنعان بولاتىن.
قوسا كەتسەك، ەۋرووداقتىڭ عىلىمي زەرتتەۋلەردى قارجىلاندىرۋ باعدارلاماسى ورتالىق ازيامەن ىنتىماقتاستىقتى جالعاستىرماق.
اۆتور
ءاليحان اسقار