- كوكتەمگى ەگىس جانە جيناۋ جۇمىستارىن قولداۋ ماقساتىندا «كەڭ دالا 2» نەسيەلەۋ باعدارلاماسى ىسكە اسىرىلىپ جاتىر. كرەديتتەر 18 ايعا دەيىن مەرزىمگە جىلدىق 5 پايىزبەن بەرىلەدى. اگرارلىق نەسيە كورپوراتسياسى قارجىلاندىرۋدىڭ قولجەتىمدىلىگىن ارتتىرۋ اياسىندا 36 ايعا دەيىن مەرزىمىنە اشىلدى. بۇل قارىز الۋشىعا قۇجاتتاردىڭ تولىق پاكەتىن ۇسىنباي-اق قايتا كرەديت الۋعا مۇمكىندىك بەرەدى. سونىمەن قاتار، فەرمەرلەرگە ىڭعايلى بولۋ ءۇشىن كرەديتتىك وتىنىمدەردى ونلاين قابىلدايتىن جۇيە جۇمىس ىستەيدى. 2026-جىلعى ماۋسىمنىڭ كوكتەمگى ەگىس جانە جيناۋ جۇمىستارىنا، جەڭىلدىكپەن كرەديت بەرۋگە وتىنىمدەر وتكەن جىلدىڭ قازان ايىننان قابىلدانا باستادى. قاراشا-جەلتوقسان ايلارىندا ەرتە قارجىلاندىرۋعا 148 ميلليارد تەڭگە بەرىلدى، ال قازىرگى ۋاقىتتا كرەديتتىڭ جالپى سوماسى 534 ميلليارد تەڭگەدەن استى،-دەدى ر. كاراگويشين ۇكىمەت وتىرىسىندا.
ونىڭ ايتۋىنشا، وسى جىلى كوكتەمگى ەگىس جانە ەگىن جيناۋ جۇمىستارىنا كەمىندە 750 ميلليارد تەڭگە بولىنبەكشى، بۇل 9 مىڭ اۋىل شارۋاشىلىق كاسىپكەرىن قامتىپ، 9 ميلليون گەكتار جەردى يگەرۋدى قامتاماسىز ەتەدى.
- ايتا كەتۋ كەرەك، 2023-جىلمەن سالىستىرعاندا، كوكتەمگى ەگىس جانە ەگىن جيناۋ جۇمىستارىنا قارجىلاندىرۋ 5 ەسە ءوستى. قارىز الۋشىلاردى كوبىرەك قامتۋ ءۇشىن كرەديت تىكەلەي اگرارلىق نەسيە كورپوراتسياسىنىڭ فيليالدارى ارقىلى جانە قارجى ينستيتۋتتارى ارقىلى دا بەرىلەدى. باسقا قارجى ينستيتۋتتارى ارقىلى بەرىلگەن بارلىق نەسيەلەردىڭ ۇلەسى شامامەن r عا جەتتى، - دەدى «بايتەرەك» ۇ ي ح» ا ق باسقارما ءتوراعاسى.
بۇدان بۇرىن حابارلانعانداي، بيىل ەلدەگى جالپى ەگىس الاڭى 23,8 ميلليون گەكتار بولدى.