بيىل قىتايدىڭ جوعارى وقۋ ورىندارىنا بولاشاق» باعدارلاماسىمەن قانشا ادام ءتۇستى

استانا. قازاقپارات - 2025-2026 اكادەميالىق وقۋ جىلىندا 44 قازاقستاندىق گرانت يەگەرى اتاندى جانە قىتايدىڭ جەتەكشى جوعارى وقۋ ورىندارىندا وقۋعا قابىلداندى، دەپ حابارلايدى ق ر عىلىم جانە جوعارى ءبىلىم مينيسترلىگىنىڭ باسپا ءسوز قىزمەتى.

باسپا ءسوز قىزمەتىنىڭ مالىمەتتەرىنە قاراعاندا، وقۋعا تۇسكەندەردىڭ اراسىندا ءبىلىم بەرۋ سالاسىنداعى حالىقارالىق كەلىسىم شەڭبەرىندە - 35 ادام، ال شانحاي ىنتىماقتاستىق ۇيىمىنىڭ ستيپەندياسى شەڭبەرىندە - 9 ادام بار.

گرانت اكادەميالىق وقۋ، جاتاقحانادا تۇرۋ، مەديتسينالىق ساقتاندىرۋ شىعىندارىن وتەيدى. بۇعان قوسىمشا ءبىلىم الۋشى جاستارعا اي سايىن ستيپەنديا قاراستىرىلعان. وقۋ اعىلشىن نەمەسە قىتاي تىلىندە وتەدى.

سونىمەن قاتار قىتاي حالىق رەسپۋبليكاسى ۇمىتكەرلەرگە ستيپەنديا تاعايىنداۋ تۋرالى سوڭعى شەشىمدى قابىلدايدى.

گرانت يەگەرلەرىنىڭ تولىق ءتىزىمىن bolashak.gov.kz رەسمي سايتىنان كورە الاسىزدار.