بيىل قوس ازاماتتىعى بار قانشا ادام انىقتالدى؟

 بيىل قازاقستاندا قوس ازاماتتىعى بار 500 دەن اسا ادام انىقتالدى. بۇل تۋرالى ىشكى ىستەر ءمينيسترىنىڭ ورىنباسارى يگور لەپەحا ايتتى. 

ونىڭ ايتۋىنشا، مينيسترلىك قوس ازاماتتىعى بار ادامداردى انىقتاۋ بويىنشا بەلسەندى جۇمىس ىستەپ جاتىر.

«كونستيتۋتسيادا قوس ازاماتتىققا تىيىم سالىنعان. بارلىق ەلدەگى ارىپتەستەرىمىزبەن بىرگە وسى باعىتتا جۇمىس ىستەيمىز. بىلتىر 800 دەن اسا دەرەك تىركەلدى. بيىل وسىنداي 500 دەن اسا جاعداي انىقتالدى. بۇل ادامداردىڭ ءبارى قىتاي ازاماتى ەمەس. نەگىزىنەن بۇل بۇرىنعى ت م د ەلدەرىنىڭ ازاماتتارى: رەسەي، وزبەكستان مەن قىرعىزستان»، - دەدى يگور لەپەحا سەنات كۋلۋارىندا.

ءمينيستردىڭ ورىنباسارى قوس ازاماتتىعى بار ادامدار اراسىندا جاۋاپتى باسشىلار بولعانىن دا جەتكىزدى.

«راس، كەزىندە ءبىز اۋداندىق ءماسليحات، اۋداندىق دەڭگەيدەگى شەنەۋنىكتەردى انىقتاعان جاعدايلار بولدى. ءبىز اقپاراتتى ءتيىستى جەرگە جىبەردىك. بيىل ونداي رەزونانس تۋدىراتىن دەرەكتەر بولمادى»، - دەدى ءمينيستردىڭ ورىنباسارى.