بيىل قانشا ەتنيكالىق قازاق قانداس مارتەبەسىن الدى

استانا. قازاقپارات - ەڭبەك جانە حالىقتى الەۋمەتتىك قورعاۋ مينيسترلىگى بيىل 12 مىڭ 325 ەتنيكالىق قازاق ەلگە ورالىپ، قانداس مارتەبەسىن العانىن مالىمدەدى، دەپ حابارلايدى Ulysmedia.kz.

جالپى 1991 -جىلدان بەرى رەسپۋبليكاعا 1 ميلليون 140,7 مىڭ ەتنيكالىق قازاق ورالدى. 2024 -جىلدىڭ قاڭتار ايىنان بەرى قازاقستانعا كەلگەن قانداستاردىڭ E,6- ى قىتايدان، 9,2 - وزبەكستاننان، %5,5 - تۇرىكمەنستاننان، %5,4 - موڭعوليادان، %3,1 - رەسەيدەن جانە %1,2 باسقا ەلدەردەن.

2024 -جىل 1 -قىركۇيەكتەگى جاعداي بويىنشا ەڭبەككە قابىلەتتى جاستاعى ەتنيكالىق قونىس اۋدارۋشىلار سانى X,2، ەڭبەككە قابىلەتتى جاستان كىشى 2,4 جانە زەينەتكەرلەر %9,4 بولدى.

ەڭبەككە قابىلەتتى جاستاعى قانداستاردىڭ ىشىندە جوعارى ءبىلىمى بارلار ,8، ورتا كاسىبي بىلىمدىلەر 24,2 پايىز جانە جالپى ورتا بىلىمدىلەر T,1، ال ءبىلىمى جوقتار سانى 3,6 پايىز.

قاي وڭىرلەرگە قونىس اۋداردى

قونىس اۋدارعان ەتنيكالىق قازاقتار ەلىمىزدىڭ ءتۇرلى وڭىرلەرىنە قونىستاندى. وسىلايشا ەڭبەك كۇشى تاپشى وڭىرلەر انىقتالدى. ول ايماقتار، اقمولا، اباي، قوستاناي، پاۆلودار، شىعىس جانە سولتۇستىك قازاقستان وبلىستارى.

قونىستاندىرۋ وڭىرلەرىندە 2024 -جىلعا ارنالعان قانداستاردى قابىلداۋ كۆوتاسى 3033 ادامدى قۇرايدى. 2024 -جىلى 1- قىركۇيەكتەگى جاعداي بويىنشا قونىستاندىرۋ وڭىرلەرىنە 2127 قانداس قونىس اۋداردى.

ولارعا قانشا تەڭگە مولشەرىندە كومەك بەرىلەدى

جوعارىدا اتالعان وڭىرلەردە قونىستانعان قانداستارعا كوشۋگە سۋبسيديا تۇرىندە مەملەكەتتىك قولداۋ شارالارى ۇسىنىلادى. ولارعا ءبىر مەزگىلگە وتاعاسىنا جانە وتباسىنىڭ ءاربىر مۇشەسىنە 70 ا ە ك (258,4 مىڭ تەڭگە) مولشەرىندە اقشا بەرىلەدى. ال تۇرعىن ءۇي جالداۋعا جانە كوممۋنالدىق قىزمەتتەرگە اقى تولەۋگە - ءبىر جىل ىشىندە 15-تەن 30 ا ە ك (55,3-دەن 110,7 مىڭ تەڭگەگە دەيىن) قارجى ۇسىنىلادى.

2024 -جىلدىڭ قاڭتار ايىنان بەرى 1948 قانداسقا ءتۇرلى قولداۋ شارالارى كورسەتىلدى. اتاپ ايتقاندا، 551 ادام تۇراقتى جۇمىسقا ورنالاستىرىلدى.

سونىمەن قاتار ەرىكتى قونىس اۋدارۋدىڭ تيىمدىلىگىن ارتتىرۋ ماقساتىندا ازاماتتاردى سولتۇستىك وڭىرلەرگە قونىس اۋدارۋعا قاتىساتىن جۇمىس بەرۋشىلەردى قولداۋ بويىنشا ينستيتۋتسيونالدىق شارالار قابىلداندى. تۇرعىن ءۇي ساتىپ الۋ، سالۋ ءۇشىن نەمەسە يپوتەكالىق تۇرعىن ءۇي قارىزدارى بويىنشا باستاپقى جارنانىڭ ءبىر بولىگىن جابۋ ءۇشىن ەكونوميكالىق ۇتقىرلىق سەرتيفيكاتى تۇرعىن ءۇي قۇنىنىڭ P- ى نەمەسە ءبىر وتباسىنا 4,28 ميلليون تەڭگەگە دەيىن مولشەردە ءبىرجولعى وتەۋسىز جانە قايتارىمسىز نەگىزدە ەنگىزىلدى.

2023 -جىلى پيلوتتىق رەجيمدە قازاقستان ەلشىلىكتەرى ارقىلى «ءبىر تەرەزە» قاعيداتى بويىنشا قانداس مارتەبەسىن بەرۋ تەتىگى جۇمىس ىستەي باستادى. ونىڭ شەڭبەرىندە ەلگە بارۋ، جۇمىس ورنى، تۇرعىن ءۇي بەرۋ مۇمكىندىكتەرى تۋرالى ماسەلەنى شەشۋگە جانە رەسپۋبليكا اۋماعىنا كىرمەي-اق قانداس مارتەبەسىن الۋعا بولادى. بۇگىنگى تاڭدا رەسپۋبليكانىڭ شەت ەلدەردەگى مەكەمەلەرى ارقىلى جاڭا فورماتتا ەتنيكالىق قازاقتاردان 9569 ءوتىنىش (656 وتباسى) قابىلداندى.

ەسكە سالساق، قانداستارعا ءبىلىم گرانتى بيىل ەكى ەسە كوپ ءبولىندى. سونداي-اق قازاقستانعا بيىل ەڭ كوپ قانداس قىتايدان كەلگەنى بەلگىلى بولعان ەدى.