بيىل قانداستارىمىزىمىز رەكوردتىق دەڭگەيدە گرانتقا تۇستى، ەڭ كوپ تاڭدالعان ماماندىقتار قانداي

بيىل ۇلتى قازاق شەتەل ازاماتتارىنا ارنالعان 4 پايىزدىق مەملەكەتتىك ءبىلىم بەرۋ كۆوتاسى بويىنشا 2378 قانداس تالاپكەر گرانت يەگەرى اتاندى.

«2026-جىلى 4 پايىزدىق كۆوتا بويىنشا بولىنگەن 2497 گرانتتىڭ 2378 ءى يگەرىلدى. بۇل كورسەتكىش كۆوتا تاريحىنداعى ەڭ جوعارى ناتيجەلەردىڭ ءبىرى بولىپ وتىر. بولىنگەن ورىنداردىڭ باسىم بولىگى تەحنيكالىق، جاراتىلىستانۋ-ماتەماتيكالىق جانە پەداگوگيكالىق باعىتتارعا تيەسىلى»، - دەلىنگەن رەسمي حابارلامادا.

قانداستار تاڭداعان ماماندىقتار:

ينجەنەرلىك، وڭدەۋ جانە قۇرىلىس سالالارى - 667 تۇلەك؛

پەداگوگيكالىق عىلىمدار - 489 تۇلەك؛

اقپاراتتىق-كوممۋنيكاتسيالىق تەحنولوگيالار - 415 تۇلەك؛

جاراتىلىستانۋ عىلىمدارى، ماتەماتيكا جانە ستاتيستيكا - 367 تۇلەك؛

دەنساۋلىق ساقتاۋ - 108 تۇلەك؛

قىزمەت كورسەتۋ سالاسى - 87 تۇلەك؛

ونەر جانە گۋمانيتارلىق عىلىمدار - 77 تۇلەك؛

الەۋمەتتىك عىلىمدار، جۋرناليستيكا جانە اقپارات - 60 تۇلەك؛

بيزنەس، باسقارۋ جانە قۇقىق - 56 تۇلەك؛

اۋىل شارۋاشىلىعى جانە بيورەسۋرستار - 31 تۇلەك؛

ۆەتەريناريا - 9 تۇلەك؛

شەتەلدىك فيليالدار (حەريوت-ۋاتت جانە اريزونا ۋنيۆەرسيتەتتەرى) - 12 تۇلەك.

گرانت يەگەرلەرىنىڭ سانى ءۇش ەسەگە قالاي ارتتى

2023-جىلعا دەيىن قانداستارعا بولىنگەن گرانتتاردى يگەرۋ دەڭگەيى 40 پايىزعا دا جەتپەيتىن. مىسالى، 2022-جىلى بۇل كورسەتكىش نەبارى ",4 بولدى. ونىڭ نەگىزگى سەبەپتەرى:

شەتەلدە قانداستار تۇراتىن ەلدەردە قازاق تىلىندە تولىققاندى ورتا ءبىلىم بەرەتىن مەكتەپتەردىڭ تاپشىلىعى؛

ءبىلىم بەرۋ باعدارلامالارىنىڭ سايكەسسىزدىگى؛

قازاقستان تاريحى ءپانىنىڭ شەتەلدە وقىتىلماۋى؛

ۇ ب ت- نىڭ بارلىق پانىنەن شەكتى بال جيناۋ تالابى.

وتانداستار قورىنىڭ ارالاسۋىمەن 2024-جىلى ماڭىزدى نورماتيۆتىك وزگەرىس قابىلداندى. وعان سايكەس، قانداس تالاپكەرلەر ءۇشىن ءار ءپان بويىنشا شەكتى بال جيناۋ تالابى الىنىپ تاستالدى.

2025-جىلدان باستاپ قانداستار ءۇش پاننەن - وقۋ ساۋاتتىلىعى جانە ەكى بەيىندىك پاننەن تەست تاپسىرادى. وسىنىڭ ناتيجەسىندە بىلتىر گرانت يەگەرلەرىنىڭ سانى بىردەن 2138 گە دەيىن ارتتى. ال 2026-جىلى بولىنگەن گرانتتاردىڭ 95,2 پايىزى يگەرىلدى.