بيىل ەلىمىزدە قىس قالاي بولادى؟

«قازگيدرومەت» سينوپتيكتەرى 2023-جىلدىڭ قاراشاسى مەن 2024-جىلدىڭ ناۋرىزىنا ارنالعان قازاقستانداعى ماۋسىمدىق اۋا رايى بولجامىن ۇسىندى.

بولجامعا سايكەس، قاراشادا جىلى جانە ايازدى كۇندەردىڭ ءجيى وزگەرۋى كۇتىلەدى، جاۋىن-شاشىن (جاڭبىر، قار)، ەكپىندى جەل ءبىر اي ىشىندە بولجانادى. سولتۇستىك وڭىرلەردە جەكەلەگەن كۇندەرى بۇرقاسىن بولۋى مۇمكىن، ق ر اۋماعى بويىنشا كوكتايعاق قۇبىلىستارى مەن تۇمان بولۋى مۇمكىن.

رەسپۋبليكانىڭ سولتۇستىك جارتىسىندا، شىعىسىندا جانە ورتالىعىندا قىس مەزگىلىندە ايازدى اۋا رايى ايدىڭ ەكىنشى جارتىسىندا بولجانادى. ەڭ سۋىق كۇندەرى سۋىق اۋا ماسسالارى ەنۋىنە بايلانىستى اۋا تەمپەراتاتۋراسى تومەندەيدى:

ق ر سولتۇستىگىندە تۇنگى ۋاقىتتا -20-27 گرادۋس، كۇندىز 8-13- گرادۋسقا دەيىن؛

ەلدىڭ وڭتۇستىك جارتىسىندا جانە وڭتۇستىك-باتىسىندا تۇندە 3-12-گرادۋس، كۇندىز 1+5 -گرادۋسقا دەيىن.

يران مەن جەرورتا تەڭىزى اۋداندارىنان جىلى اۋا ماسسالارىنىڭ شىعارىلۋىنا بايلانىستى اۋا رايى جىلىنادى:

رەسپۋبليكانىڭ وڭتۇستىك جارتىسىندا كۇندىز 8+17 +گرادۋسقا دەيىن؛

سولتۇستىك جارتىسىندا 3+10+ گرادۋسقا دەيىن.

وسىلايشا، قازاقستاننىڭ باسىم بولىگىندەگى اۋا تەمپەراتۋراسى نورما شاماسىندا جانە نورمادان 1 گرادۋس جوعارى، ق ر قيىر سولتۇستىگىندە - نورمادان 1 گرادۋس تومەن بولادى دەپ كۇتىلەدى.

جاۋىن-شاشىن مولشەرى ەلىمىزدىڭ باسىم بولىگىندە نورما شاماسىندا، ەلدىڭ ورتالىق جانە شىعىس ايماقتارىندا، سونداي-اق رەسپۋبليكانىڭ وڭتۇستىگى مەن وڭتۇستىك-شىعىسىنداعى تاۋلى جانە تاۋ بوكتەرىندەگى اۋدانداردا - نورمادان كوپ جاۋادى دەپ بولجانعان.

«2023-2024-جىلدىڭ قىسى 2001-2002-جىلدىڭ قىسى سەناريى بويىنشا كۇتىلەدى، ياعني جىلى جانە جاۋىن-شاشىن مولشەرى نورماعا جاقىن جانە ودان دا كوپ بولادى. سۋىق كەزەڭ ىشىندە رەسپۋبليكا اۋماعىنا اتلانتيكا اۋداندارىنان جىلى جانە ىلعالدى اۋا ماسسالارىنىڭ ءجيى ەنۋى بولجانادى»، - دەلىنگەن حابارلامادا.

الداعى قىستا قازاقستان اۋماعى بويىنشا تەمپەراتۋرالىق فون نەگىزىنەن كليماتتىق نورمادان 1-2 گرادۋس جوعارى بولادى دەپ كۇتىلەدى. جەلتوقساندا عانا قازاقستاننىڭ باسىم بولىگىندە اۋا تەمپەراتۋراسى كليماتتىق نورما شاماسىندا، ال ق ر سولتۇستىگى مەن شىعىسىندا نورمادان 1 گرادۋس تومەن بولادى دەپ بولجانادى.

قاڭتار جانە اقپان ايلارىندا ق ر باسىم بولىگىندە جاۋىن-شاشىن نورما شاماسىندا جانە نورمادان كوپ بولجانادى، جەلتوقساندا ەلدىڭ باسىم بولىگىندە جاۋىن-شاشىن مولشەرى نورما شاماسىندا، رەسپۋبليكانىڭ سولتۇستىك جارتىسىندا نورمادان از بولادى دەپ كۇتىلەدى.

ناۋرىزدا قازاقستان اۋماعىنداعى اۋانىڭ ورتاشا تەمپەراتۋراسى نورمادان 2 گرادۋس جوعارى بولادى دەپ بولجانعان. جاۋىن-شاشىن مولشەرى ەلىمىزدىڭ باسىم بولىگىندە نورمادان كوپ جاۋادى دەپ بولجانادى.

Tengrinews.kz