بيىل ەلىمىزدە 18 ميلليون شارشى مەتر تۇرعىن ءۇي تاپسىرىلادى
استانا. KAZINFORM - بيىل قازاقستاندا 170 مىڭ تۇرعىن ءۇي سالۋ جوسپارلانعان. بۇل تۋرالى ونەركاسىپ جانە قۇرىلىس مينيسترلىگىنىڭ مالىمەتىندە ايتىلعان.
«بيىل ەلىمىزدىڭ اۋماعىندا بارلىق قارجىلاندىرۋ كوزدەرى ەسەبىنەن 18 ميلليون شارشى مەتر تۇرعىن ءۇي نەمەسە 170 مىڭ تۇرعىن ءۇي سالۋ جوسپارلانعان. ستاتيستيكالىق دەرەكتەرگە سايكەس 2024 -جىلدىڭ قاڭتار- تامىز ايلارىندا 10,5 ميلليون شارشى مەتر تۇرعىن ءۇي نەمەسە 93658 پاتەر پايدالانۋعا بەرىلدى. بۇل كورسەتكىش بىلتىرعى سايكەس كەزەڭنىڭ دەڭگەيىنەن 4,7 پايىزعا جوعارى (2023 -جىلدىڭ قانتار- تامىزداعى كولەمى 10 ميلليون شارشى مەتر) . جىلدىق جوسپار 58 پايىزعا ورىندالدى»، - دەلىنگەن مينيسترلىكتىڭ Kazinform اگەنتتىگىنە بەرگەن جاۋابىندا.
بۇدان بۇرىن حابارلانعانداي، ونەركاسىپ جانە قۇرىلىس مينيسترلىگى كوكتەمدەگى سۋ تاسقىنىنان كەيىن قۇرىلىسى جوسپارلانعان تۇرعىن ۇيلەردى پايدالانۋعا بەرۋ ماسەلەسىنە قاتىستى تۇسىنىك بەردى.
ۇكىمەت 2029 -جىلعا دەيىن قازاقستاندا 111 ميلليون شارشى مەتر تۇرعىن ءۇي سالىناتىنىن جاريالادى.