ۆەدومستۆونىڭ مالىمەتىنشە، بالالارعا ارنالعان رەپەرتۋاردى جاس كورەرمەن تەاترلارى، قۋىرشاق تەاترلارى جانە جاستار تەاترلارى تۇراقتى تۇردە تولىقتىرىپ كەلەدى.
ساحنادا كلاسسيكالىق جانە زاماناۋي شىعارمالار، حالىق ەرتەگىلەرى نەگىزىندەگى قويىلىمدارمەن قاتار، تاربيەلىك جانە تانىمدىق مازمۇنداعى سپەكتاكلدەر ۇسىنىلادى.
«جاس كورەرمەن تەاترلارى بالالارمەن قاتار جاسوسپىرىمدەرگە دە ارنالعان قويىلىمداردى ساحنالاپ، دوستىق، جاۋاپكەرشىلىك، تاڭداۋ جاساۋ جانە ۇلتتىق مادەني مۇرانى قۇرمەتتەۋ سياقتى ماڭىزدى تاقىرىپتاردى ارقاۋ ەتەدى»، - دەلىنگەن مينيسترلىك حابارلاماسىندا.
بالالارعا ارنالعان قويىلىمدار حالىقارالىق دەڭگەيدە دە جوعارى باعالانىپ كەلەدى. عابيت مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترى «ۇلپان» سپەكتاكلىمەن بىشكەكتە وتكەن «ART- ORDO» حالىقارالىق تەاتر فەستيۆالىندە باس جۇلدەنى جەڭىپ الدى.
سونداي- اق اتالعان قويىلىم «ۇزدىك سەنوگراف»، «ۇزدىك ەر ادام ءرولى» جانە «ەكىنشى پلانداعى ۇزدىك ەر ادام ءرولى» اتالىمدارى بويىنشا ماراپاتقا يە بولدى.