بيىل جازدا 20 جىلدا بولماعان ىستىق قايتالانۋى مۇمكىن
استانا. KAZINFORM - ەلىمىزدە ءورت قاۋپى جوعارى ماۋسىم باستالدى. مامىر-ماۋسىمدا قاتتى ىستىق بولادى دەگەن بولجام بار.
توتەنشە جاعدايلار مينيسترلىگىنىڭ مالىمەتىنشە، ەلىمىزدىڭ بارلىق ايماعىندا ورتكە قارسى باقىلاۋ جۇمىستارى كۇشەيتىلدى. قوسىمشا جاڭا تەحنيكالار الىنىپ، قاۋىپتى ايماقتار اۋەدەن باقىلانىپ جاتىر.
«2001، 1994-جىلعى ناقتى دەرەكتەرگە جۇرگىزىلگەن تالداۋ ەسكەرىلدى. وسىلايشا، مامىر جانە جاز ايلارىندا رەسپۋبليكانىڭ باسىم بولىگىندە ءورت قاۋپىنىڭ جوعارى جانە توتەنشە دارەجەسى بولجاندى. تاعى باقىلانادى. قاۋىپ تونگەن جاعدايدا ەسكەرتۋ جاريالانادى»، - دەدى «قازگيدرومەت» ر م ك باسپا ءسوز حاتشىسى الينا يسماعۇلوۆا.
2023-2027-جىلدار ارالىعىنداعى ورتكە قارسى كۇرەس شارالارىنا بيۋجەتتەن 68 ملليارد تەڭگەدەن اسا قاراجات بولىنگەن. بىلتىر 13 ميلليارد جۇمسالعان، بيىل 5 ميلليارد تەڭگەسى جاراتىلماق.