- ءبىز جوعارى وقۋ ورىندارى مەن كاسىپورىنداردىڭ ءوزارا بايلانىسىن كۇشەيتۋدەمىز. بۇل باعىتتاعى جۇمىستاردى «سامۇرىق-قازىنا» قورىمەن بىرلەسكەن شارالار مىسالىندا كورسەتەيىن. قوردىڭ پورتفەلدىك كومپانيالارىندا جىل سايىن شامامەن 10 مىڭ ستۋدەنت دۋالدى وقۋدان جانە وندىرىستىك پراكتيكادان وتەدى. 2026-جىلدىڭ ءبىرىنشى جارتىجىلدىعىندا وسى فورماتپەن 4 مىڭ 300 دەن استام ستۋدەنت قامتىلدى. دۋالدى وقىتۋ تاۋ-كەن ءىسى، ەنەرگەتيكا، IT، ەلەكتر تەحنيكاسى، تەمىرجول كولىگى، تەلەكوممۋنيكاتسيالار، تسيفرلىق تەحنولوگيالار، رەسۋرستاردى ءوندىرۋ جانە وڭدەۋ باعىتتارىن قامتيدى. وقۋ باعدارلامالارىن جۇمىس بەرۋشىنىڭ تالابىنا سايكەستەندىرۋ ماقساتىندا وقىتۋشىلاردىڭ وندىرىستىك تاعىلىمدامادان ءوتۋى ۇيىمداستىرىلىپ جاتىر،- دەدى س. نۇربەك.
ونىڭ ايتۋىنشا، وتكەن وقۋ جىلىندا 100 دەن استام وقىتۋشى وندىرىستىك تاعىلىمدامادان ءوتتى. الداعى وقۋ جىلىندا تاعى 100 وقىتۋشىنى كاسىپورىندار بازاسىندا تاعىلىمدامادان وتكىزۋ جوسپارلانعان.
- بيىل مەملەكەت باسشىسىنىڭ تاپسىرماسىنا سايكەس، قازاق زەرتتەۋ جاساندى ينتەللەكت ۋنيۆەرسيتەتى ستۋدەنتتەردى وقىتۋدى باستايدى. شامامان 600 ءبىلىم الۋشى قابىلدانادى. باكالاۆارياتتا 400 ستۋدەنت، ونىڭ 308 ءى مەملەكەتتىك گرانت يەگەرى. ماگيستراتۋرا باعدارلاماسىنا 100 ادام استانا حاب، الاگەۋم گرانتتارىنا جانە اقىلى وقۋعا قابىلدانادى. «سامۇرىق-قازىنا» ءوزىنىڭ 100 قىزمەتكەرىن MBA AI X باعدارلاماسىندا وقىتادى،-دەدى مينيستر.
بۇعان دەيىن مەملەكەتتىك گرانتتا وقىعان تۇلەكتەرگە قويىلاتىن تالاپتار وزگەرگەنىن جازعان ەدىك.