پاۆلودار وبلىسىندا سۋقۇزعىنداردىڭ كوبەيۋى ۇلكەن ماسەلەگە اينالىپ كەلەدى. بىلتىر عالىمداردىڭ كەڭەسى بويىنشا ەرتىس وزەنى بويىنان 3 مىڭنان استام مەشكەي قۇس اتىلعان. ال بيىل 860 سۋقۇزعىنىن جويۋعا ۇسىنىس جاسالىپ وتىر.
مامانداردىڭ ايتۋىنشا، كۇيزەلىس جاعدايىندا قۇستاردىڭ جۇمىرتقا سالۋى كۇرت ارتادى. سوندىقتان ولاردىڭ سانىن بىردەن ازايتىپ تاستاۋ دۇرىس ەمەس.
- قازىرگى ۋاقىتتا وبلىستا 15 مىڭداي سۋقۇزعىن تىركەلىپ وتىر. بيىل بىزگە 860 ىن اتۋعا، كەيىن ولاردىڭ جۇمىرتقا سالۋىن باقىلاۋعا كەڭەس بەرىلىپ وتىر. سونداي-اق مۇمكىندىگىنشە ۇيالاردى بۇزباي، جۇمىرتقالاردى «تۇنشىقتىرۋ» ءادىسىن قولدانۋ ۇسىنىلدى. ياعني، جۇمىرتقالاردىڭ سىرتىنا ماي جاعىلىپ، وتتەگىنىڭ ىشكە ءوتۋى شەكتەلەدى. ونىڭ اسەرىنەن جۇمىرتقا ىشىندەگى ۇرىقتار ءولىپ قالادى. مۇنىڭ بارلىعى تەحنيكالىق ەرەكشەلىكتەردە ەگجەي-تەگجەيلى جازىلعان، - دەيدى پاۆلودار وبلىسى جەر قويناۋىن پايدالانۋ، قورشاعان ورتا جانە سۋ رەسۋرستارى باسقارماسى جانۋارلار دۇنيەسى ءبولىمىنىڭ باسشىسى جاسۇلان جۇماشيەۆ.