بيىل «الماتى جاستارىنا» ءوتىنىم بەرگەن 2 مىڭعا جۋىق جاس باسپانالى بولدى

الماتى. KAZINFORM - «الماتى جاستارى» باعدارلاماسىنىڭ جەڭىمپازدار انىقتالدى. بيىل تۇرعىن ءۇي باعدارلاماسىنا 7072 ءوتىنىم كەلىپ تۇسكەن.

الماتى قالاسى كوممۋنالدىق ينفراقۇرىلىمدى دامىتۋ باسقارماسى 2024 -جىلعى 29-شىلدەدەن 7-تامىزعا دەيىن «الماتى جاستارى» باعدارلاماسىنا ءوتىنىم قابىلداعان بولاتىن.

باعدارلاما اياسىندا تۇرعىن ءۇي ساتىپ الۋعا كەمىندە 1200 زاەم بەرۋ جوسپارلانعان.

جاستاردان كەلىپ تۇسكەن 7072 ءوتىنىمنىڭ سالالار بويىنشا ءبولىنىسى:

- دەنساۋلىق ساقتاۋ - 1662؛

- ءبىلىم بەرۋ - 2434؛

- مادەنيەت - 430؛

- سپورت - 129؛

- ج و و مەن ع ز ي - 717؛

- جۋرناليستەر - 123؛

- الەۋمەتتىك سالا - 352؛

- قۇقىق قورعاۋ ورگاندارى - 538؛

- كوممۋنالدىق قىزمەتتەر - 433؛

- جۇمىس ىستەيتىن جاستار - 254.

الماتى اكىمدىگى مۇقيات قاراستىرۋدان كەيىن 1924 ءوتىنىم ماقۇلدانعانىن حابارلادى.

ماقۇلدانعان وتىنىمدەر مىناداي:

- دەنساۋلىق ساقتاۋ - 456؛

- ءبىلىم بەرۋ - 662؛

- مادەنيەت - 165؛

- سپورت - 42؛

- ج و و مەن ع ز ي - 196؛

- جۋرناليستەر - 57؛

- الەۋمەتتىك سالا - 40؛

- قۇقىق قورعاۋ ورگاندارى - 170؛

- كوممۋنالدىق قىزمەتتەر - 105؛

- جۇمىس ىستەيتىن جاستار - 31.

1200 ءوتىنىم بەرۋشى «وتباسى بانك» ا ق-نان تولەم قابىلەتىنەن ءوتۋ ءۇشىن جولداما الادى.

جولدامانى العان قاتىسۋشىلار 15 (ون بەس) جۇمىس كۇنى ىشىندە تولەم قابىلەتىن باعالاۋدان ءوتۋ ءۇشىن «وتباسى بانك» ا ق-نىڭ كەز كەلگەن قىزمەت كورسەتۋ ورتالىعىنا جۇگىنۋ قاجەت.

تولەم قابىلەتىن راستاعان قاتىسۋشىلار 45 (قىرىق بەس) كۇنتىزبەلىك كۇنى ىشىندە العاشقى جانە ەكىنشى نارىقتا تۇرعىن ءۇي تاڭداي الادى.

724 قاتىسۋشى نەگىزگى ءتىزىم بويىنشا تولەم قابىلەتىن راستاۋ اياقتالعانشا رەزەرۆتىك تىزىمدە بولادى. 5148 قاتىسۋشىنىڭ قۇجاتى قايتارىلدى.

قايتارىلۋدىڭ نەگىزگى سەبەپتەرى جۇمىس ورنىنىڭ باعدارلاما تالاپتارىنا سايكەس كەلمەۋى، تۇرعىن ۇيگە قاجەتتى انىقتامالاردىڭ بولماۋى، ءوتىنىش بەرگەن ساتتە تۇرعىن ءۇيدىڭ بولۋى، سوڭعى 6 ايداعى زەينەتاقى جيناقتارىنىڭ بولماۋى جانە ت. ب.

«الماتى جاستارى» باعدارلاماسىنىڭ قورىتىندىسى تۋرالى باسقا دا تولىق اقپارات almaty-zhastary2024.kz سايتىندا جاريالانادى.

اۆتور

دوسبول اتاجان