بيىل «الماتى جاستارى» باعدارلاماسى 20 ميلليون تەڭگەگە دەيىن نەسيە بەرەدى

الماتى. KAZINFORM - وسى جىلدان باستاپ «الماتى جاستارى» تۇرعىن ءۇي باعدارلاماسى بويىنشا نەسيەلەندىرۋ مولشەرى 18 ميلليون تەڭگەدەن 20 ميلليون تەڭگەگە دەيىن ۇلعايتىلدى.

الماتى اكىمدىگى 14-26-ناۋرىز ارالىعىندا 35 جاسقا دەيىنگى قالا جاستارى ءۇشىن «الماتى جاستارى» باعدارلاماسى اياسىندا جەڭىلدەتىلگەن تۇرعىن ءۇي نەسيەلەرىن الۋ بويىنشا ءوتىنىشتى قابىلداۋ باستالعانىن مالىمدەدى.

باعدارلاماعا قاتىسۋعا ءوتىنىشتى www.almaty-zhastary2025.kz رەسمي سايتى ارقىلى بەرۋگە بولادى، اۆتوريزاتسيا ەلەكتروندىق سيفرلىق قولتاڭبا (ە س ق) ارقىلى جۇزەگە اسىرىلادى.

باعدارلاما اياسىنداعى نەسيەلەندىرۋ شارتتارى:

- ەڭ جوعارعى نەسيە سوماسى - 20 ميلليون تەڭگەگە دەيىن؛
- پايىزدىق مولشەرلەمە - %5؛

- باستاپقى جارنا - ؛

- باستاپقى جانە قايتالاما تۇرعىن ءۇيدى ساتىپ الۋ مۇمكىندىگى؛
- باعدارلاما بويىنشا قامتۋ - كەمىندە 2550 ادام، ونىڭ ىشىندە 1050 «جۇمىس ىستەيتىن جاستار» باعدارلاماسىنىڭ جالعا الۋشىلارى.

باعدارلاماعا قاتىسۋ ءۇشىن نەگىزگى تالاپتار:

1. ءوتىنىش بەرۋشى مەن ونىڭ جۇبايىنىڭ (زايىبىنىڭ) ءوتىنىش بەرۋ كەزىندەگى الماتى قالاسىندا تۇراقتى تىركەۋى بولۋعا ءتيىس.
2. ءوتىنىش بەرۋشىنىڭ جاسى ءوتىنىش بەرۋ ساتىندە 35 جاستان اسپاۋى ءتيىس (جۇبايىنىڭ جاسىنا قاراماستان). باعدارلاماعا نەگىزگى قاتىسۋشى رەتىندە ەرلى-زايىپتىنىڭ بىرەۋى عانا قاتىسا الادى (بار بولسا).
3. ءوتىنىش بەرۋشى مەن ونىڭ وتباسى مۇشەلەرىنىڭ مەنشىگىندە تۇرعىن ءۇي بولماۋعا ءتيىس، سونداي-اق قازاقستان رەسپۋبليكاسىنىڭ اۋماعىندا سوڭعى 5 جىل ىشىندە تۇرعىن ءۇي جاعدايىن ادەيى ناشارلاتۋ فاكتىلەرى بولماۋى كەرەك.
4. ءوتىنىش بەرۋشى سوڭعى 6 (التى) ايدا الماتى قالاسىندا رەسمي تۇردە جۇمىس ىستەگەن بولۋى كەرەك جانە مىندەتتى زەينەتاقى جارنالارى تولەنۋى قاجەت.

قاتىسۋشى تاڭداعان كەلەسى سالالاردىڭ بىرىندە ەڭبەك ءوتىلى بولۋى كەرەك: دەنساۋلىق ساقتاۋ، ءبىلىم بەرۋ، مادەنيەت، سپورت، جوعارى وقۋ ورىندارى مەن عىلىمي-زەرتتەۋ ينستيتۋتتارى، جۋرناليستيكا، الەۋمەتتىك سالا، قۇقىق قورعاۋ ورگاندارى، قالالىق كوممۋنالدىق قىزمەتتەر.