بيىل 7 ايدا شيكىزاتتىق ەمەس تاۋار ەكسپورتى 14,2 ميلليارد دوللارعا جەتتى

ەلىمىزدە شيكىزاتتىق ەمەس تاۋارلار اينالىمى مەن ەكسپورتى ارتقان، دەپ حابارلايدى قازاقپارات ءتىلشىسى.

«ەلىمىزدە شيكىزاتتىق ەمەس تاۋار اينالىمى بيىل قاڭتار-شىلدەدە 46,7 ميلليارد ا ق ش دوللارىنا جەتتى. بۇل وتكەن جىلمەن سالىستىرعاندا !,7 عا جوعارى ($38,4 ميلليارد). بيىل 7 ايدا شيكىزاتتىق ەمەس تاۋار ەكسپورتى 14,2 ميلليارد دوللار بولعان. قىزمەتتەر ەكسپورتىنا توقتالساق، ول كورسەتكىش - $2,1 ميلليارد. بۇل وتكەن جىلدىڭ سايكەس كەزەڭىمەن سالىستىرعاندا ,7 عا جوعارى ($1,8 ميلليارد). شيكىزاتتىق ەمەس ەكسپورتتىق تاۋارلاردىڭ ىشىندە توپ ۇشتىككە مىس پەن مىس كاتودتارى، فەرروقورىتپالار جانە ۋران كىرەدى»، - دەدى ساۋدا جانە ينتەگراتسيا ۆيتسە-ءمينيسترى قايرات تورەبايەۆ ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

ونىڭ ايتۋىنشا، ەكسپورت بويىنشا نەگىزگى نارىق رەتىندە رەسەي، قىتاي، وزبەكستان، تۇركيا جانە نيدەرلاند بولىپ قالا بەرەدى.

«ە و ەلدەرىنە، قىتايعا جانە ورتالىق ازيا ەلدەرىنە جەتكىزىلىمدەردىڭ ايتارلىقتاي ءوسۋى تىركەلدى. ەكسپورتتاۋشىلارعا قارجىلاي جانە باسقا دا قولداۋ كورسەتۋ جالعاسىپ جاتىر. بۇگىندە 100 دەن استام كومپانيا حالىقارالىق كوشپەلى ساۋدا ءىس- شاراسىنا قاتىستى. بۇل - 7 ەلدەگى ساۋدا ميسسياسى، قىتايداعى حالىقارالىق كورمە. بيىل ءبىرىنشى جارتىجىلدىقتا مەملەكەتتىك قولداۋدىڭ ناتيجەسىندە 5500 ميلليون دوللاردان استام سوماعا ەكسپورتتىق كەلىسىمشارت جاسالدى»، - دەيدى ول.