مەملەكەتتىك قولداۋ اياسىندا جاڭا كينوجوبالار جۇزەگە اسىرىلىپ، وتاندىق فيلمدەردىڭ پروكاتى كەڭەيىپ، انيماتسيا سالاسى دامىپ كەلەدى، دەپ حابارلايدى مادەنيەت جانە اقپارات مينيسترلىگى.
2026 -جىلدىڭ العاشقى جارتىجىلدىعىندا مەملەكەتتىك قولداۋمەن تۇسىرىلگەن التى فيلم كەڭ پروكاتقا شىقتى. ولاردىڭ قاتارىندا «گيپنوز»، «بيلەت يز رايا»، «وسەنني بريز»، «قۇت»، «ءابىل» جانە «پريانيكي دليا ەە وتتسا، موەگو پرادەدا، ەە دەدا» دەرەكتى فيلمى بار.
دەرەكتى فيلمنىڭ ەلىمىزدەگى كينوتەاترلاردا كەڭ پروكاتقا شىعۋى ۇلتتىق كينو سالاسى ءۇشىن ماڭىزدى وقيعا بولدى. بۇل اۆتورلىق جوبالاردىڭ كەڭ اۋديتورياعا جول اشۋىنا مۇمكىندىك بەرەدى.
جاڭا كينوجوبالاردى جۇزەگە اسىرۋ جۇمىستارى دا جالعاسىپ جاتىر. ۇلتتىق كينونى قولداۋ مەملەكەتتىك ورتالىعىنىڭ قولداۋىمەن «مۇعالىم» جانە «كەنجەم قايدا؟» فيلمدەرىنىڭ ءوندىرىسى اياقتالدى. قازىر 23 كينوجوبا ازىرلەنۋدە، ونىڭ 21 ءىن جىل سوڭىنا دەيىن اياقتاۋ جوسپارلانىپ وتىر. سونىمەن قاتار كونكۋرستىق ىرىكتەۋ ناتيجەسىندە تاعى 18 كينوجوبا مەملەكەتتىك قولداۋعا يە بولدى.
«وتاندىق انيماتسيانى دامىتۋ جۇمىسى - سالاداعى باسىم باعىتتاردىڭ ءبىرى. "قازاقانيماتسيا" شىعارماشىلىق بىرلەستىگىنىڭ پيتچينگى ناتيجەسىندە 10 انيماتسيالىق جوبا ىرىكتەلدى. بۇل بالالار مەن وتباسىلىق كونتەنتتىڭ ساپاسىن ارتتىرىپ، قازاقستاندىق وقيعالار مەن كەيىپكەرلەردى زاماناۋي انيماتسيا ارقىلى تانىتۋعا مۇمكىندىك بەرەدى»، - دەپ حابارلادى مينيسترلىك.
قازاق كينوسىنىڭ «التىن قورىن» ساقتاۋ باعىتىنداعى جۇمىستار دا جالعاسۋدا. جىل باسىنان بەرى «ۆوزۆراشەنيە سىنا»، «دو سۆيدانيا، مەدەۋ»، «زۆۋچيت تام- تام»، «زولوتوي روگ» جانە «پەسنيا زوۆەت» فيلمدەرى سيفرلىق فورماتقا كوشىرىلدى. ال «الپامىس يدەت ۆ شكولۋ» مەن «تريەۆوجنوە ۋترو» فيلمدەرى قايتا قالپىنا كەلتىرىلدى.
بۇدان بولەك، جىل باسىنان بەرى پروكات كۋالىگىن بەرۋ بويىنشا 1539 ءوتىنىم قارالىپ، ونىڭ 1344 ىنە ارنايى كۋالىك بەرىلدى. بۇل كينو سالاسىنداعى قىزمەتتى جۇيەلەپ، زاڭناما تالاپتارىنىڭ ساقتالۋىن قامتاماسىز ەتۋگە باعىتتالعان.