بيتكوين باعاسى ماۋسىم ايىنان بەرى العاش رەت 71 مىڭ دوللاردان جوعارى كوتەرىلدى

استانا. KAZINFORM - بيتكوين باعاسى كەلەسى اپتادا ا ق ش- تا وتەتىن سايلاۋ قورىتىندىلارى توڭىرەگىندەگى الىپساتارلىق تۇسىندا ءوستى، دەپ حابارلايدى The Economic Times.

سيفرلىق ۆاليۋتا %2 دان استامعا ءوسىپ، 71310 دوللارعا جەتتى، ال Ether جانە Dogecoin سياقتى باسقا كريپتوۆاليۋتالار دا شامامەن %4 ءوسىم كورسەتتى.

بيتكويندى جيى دونالد ترامپپەن بايلانىستىرادى، ويتكەنى ول سيفرلىق اكتيۆتەردى قولدايتىنىن اشىق ايتىپ، ءتىپتى ا ق ش- تى پلانەتانىڭ كريپتوۆاليۋتالىق استاناسىنا اينالدىرۋعا ۋادە بەردى. ال ونىڭ باسەكەلەسى كامالا حارريس سيفرلىق اكتيۆتەر ءۇشىن نورماتيۆتىك بازا قۇرۋعا شاقىردى.

قازىرگى ۋاقىتتا ترامپ بولجامدىق نارىقتاردا كوش باستاپ وتىر، ال ساۋالنامالار دەموكراتيالىق پارتيا اتىنان كانديدات ۆيتسە-پرەزيدەنت كامالا حارريسكە جاقىن باسەكەنى كورسەتەدى. 5-قاراشاداعى سايلاۋ كۇنى قۇبىلمالىلىق جوعارى بولادى دەپ كۇتىلىپ وتىر.

ءبىز بۇعان دەيىن دونالد ترامپتىڭ كريپتوۆاليۋتا يندۋسترياسىنان قولداۋ سۇراعانىن جازعان بولاتىنبىز. بۇل رەتتە ول بۇرىن بيتكويندى الاياقتىق دەپ اتاعان.

وسىعان دەيىن الماتى تۇرعىنىنىڭ 67 ميلليون تەڭگەنىڭ كريپتوۆاليۋتاسىن الاياققا بەرىپ جىبەرگەنى تۋرالى جازدىق.