بيتكوين باعاسى ەڭ جوعارى دەڭگەيگە جەتتى

استانا. قازاقپارات - Binance پلاتفورماسىنىڭ دەرەكتەرى بويىنشا بيتكوين باعاسى ءوزىنىڭ تاريحي ماكسيمۋمىن جاڭارتىپ، $113 مىڭنان استى، - دەپ حابارلايدى ت ا س س.

ماسكەۋ ۋاقىتىمەن 19:24تە كريپتوۆاليۋتا $112 مىڭ بەلگىسىن ەڭسەرىپ، رەكوردتىق $112,106 مىڭعا جەتتى (+%2,7) .

ماسكەۋ ۋاقىتى بويىنشا ساعات 19:39 دا بيتكوين باعاسى تەز ءوسىپ، 112 682 مىڭ دوللارعا (+%3,06) بولدى.

ماسكەۋ ۋاقىتى بويىنشا ساعات 20:11 دە بيتكوين قۇنى ءوزىنىڭ ءوسۋىن ايتارلىقتاي جەدەلدەتىپ، $113000 شەگىنەن اسىپ، 113211 مىڭ دوللارعا (+%3,6) جەتىپ، رەكوردتى جاڭارتتى.

بيتكوين - جۇيەنىڭ كەز كەلگەن قاتىسۋشىسى «وندىرە» الاتىن (شىعارا الاتىن) بلوكچەين تەحنولوگياسىنا نەگىزدەلگەن اتتاس كريپتوۆاليۋتانىڭ ورتالىقتاندىرىلماعان جۇيەسى. ول ءۇشىن جۇيەنىڭ جاڭا بلوكتارىن جاساۋ كەرەك.

تۇجىرىمدامانى 2008 جىلدىڭ قاراشاسىندا ونىڭ اۆتورى (مۇمكىن اۆتورلار توبى) ساتوسي ناكاموتو بۇركەنشىك اتىمەن جاريالادى. بيتكويننىڭ تانىمالدىلىعىنىڭ شىڭى سوڭعى جىلدارى عانا بايقالدى. بيتكويننىڭ شىعارىلۋى تابيعي تۇردە شەكتەۋلى، بيتكويننىڭ كوپ بولىگى قازىردىڭ وزىندە «وندىرىلگەن».