ترەيدەرلەر كريپتوۆاليۋتا بولاشاعىنا بۇرىنعىدان دا وپتيميستىك كوزقاراسپەن قاراپ وتىر. بۇعان ينستيتۋتسيونالدىق سۇرانىستىڭ ارتۋى سەبەپ بولعان.
قازىرگى ۋاقىتتا بيتكوين $110,54 مىڭ شاماسىندا ساۋدالانىپ جاتىر. بۇل الدىڭعى سەسسيانىڭ جابىلۋىنان 1,7 پايىزعا جوعارى. بۇعان دەيىن ونىڭ باعاسى $111878 دەڭگەيىنە جەتىپ، رەكورد ورناتقان بولاتىن.
ا ق ش كونگرەسىنىڭ سەناتى كوپشىلىك داۋىسپەن جاڭارتىلعان نۇسقاداعى GENIUS Act زاڭ جوباسىن قولدادى. قۇجات ستەيبلكويندار - ءداستۇرلى ۆاليۋتالارعا بايلانعان كريپتواكتيۆتەردى فەدەرالدىق دەڭگەيدە رەتتەۋدى قاراستىرادى. ەندى بۇل زاڭ جوباسى ءارى قاراي تالقىلاۋعا جىبەرىلەدى. قۇجات وسى اپتادا قابىلدانۋى مۇمكىن دەپ بولجانىپ وتىر.
ساراپشىلاردىڭ پىكىرىنشە، بۇل زاڭ سيفرلىق اكتيۆتەرمەن اينالىساتىن كومپانيالار ءۇشىن رەتتەۋ سالاسىندا ايقىندىق قالىپتاستىرادى.
بۇعان دەيىن بيتكوين 105 مىڭ دوللارعا كوتەرىلگەنىن جازعان ەدىك.