بىرىككەن اراب امىرلىكتەرى پاۆەل دۋروۆتىڭ ۇستالۋىنا قاتىستى پىكىر ءبىلدىردى

استانا. KAZINFORM - بىرىككەن اراب امىرلىكتەرى فرانسيا ۇكىمەتىنەن قازىر پاريجدە قاماۋدا وتىرعان Telegram باس ديرەكتورى پاۆەل دۋروۆقا كونسۋلدىق رۇقسات بەرۋدى سۇرادى.

ب ا ءا سىرتقى ىستەر مينيسترلىگى ءوز مالىمدەمەسىندە بىرىككەن اراب امىرلىكتەرى فرانتسيانى دۋروۆقا "بارلىق كونسۋلدىق قىزمەتتەردى" ۇسىنۋعا شاقىرىپ، ازاماتتارعا قامقورلىق جاساۋ "ءبىرىنشى كەزەكتەگى مىندەت" ەكەنىن مالىمدەدى.

سونداي- اق، ب ا ءا پاۆەل دۋروۆ قاماۋعا الىنعاننان كەيىن جانە ونىڭ قاماۋ مەرزىمى ۇزارتىلعاننان كەيىنگى ءاربىر ءىسى مۇقيات قاداعالانىپ وتىرعانىن ايتتى.

- ب ا ءا پاريج- لە- بۋرج اۋەجايىندا فرانسۋز بيلىگى قاماۋعا العان Telegram نەگىزىن قالاۋشى پاۆەل دۋروۆتىڭ ءىسىن ءجىتى قاداعالاپ وتىر. ازاماتتارعا قامقورلىق جاساۋ، ولاردىڭ مۇددەلەرىن قورعاۋ، ولاردىڭ ءىسىن باقىلاۋ جانە بارلىق كومەك تۇرلەرىن كورسەتۋ ب ا ءا ءۇشىن باستى باسىمدىق، - دەلىنگەن ۆەدومستۆو مالىمدەمەسىندە.

دۇيسەنبى كۇنى فرانسيا پرەزيدەنتى ەممانۋەل ماكرون قاماۋعا الۋ تۋرالى پىكىرىندە "بۇل ساياسي قادام ەمەس، تاۋەلسىز تەرگەۋدىڭ ءبىر بولىگى" دەگەن ەدى.

بۇعان دەيىن پاۆەل دۋروۆتىڭ فرانسياداعى پاريج- لە- بۋرجە اۋەجايىندا Telegram قوسىمشاسىنا بايلانىستى 12 قىلمىستىق قۇقىق بۇزۋشىلىق بويىنشا باستالعان سوت تەرگەۋى نەگىزىندە قاماۋعا الىنعانى حابارلانعان بولاتىن.

اۆتور

ەركەجان سماعۇلوۆا