كۇندىزگى ساۋدا- ساتتىق قورىتىندىسى بويىنشا دوللاردىڭ ورتاشا باعامى 0,22 تەڭگە ءتۇسىپ، 453,26 تەڭگە بولدى. ۇلتتىق بانكتىڭ رەسمي باعامى - 453,64 تەڭگە.
Kurs.kz مالىمەتىنە سايكەس، ەلوردانىڭ اقشا ايىرباستاۋ ورىندارىندا:
دوللار 450,00 تەڭگەدەن ساتىپ الىنادى، 457,00 تەڭگەدەن ساتىلادى؛
ەۋرو: ساتىپ الۋ - 500,00 تەڭگە، ساتۋ - 510,00 تەڭگە؛
رۋبل: ساتىپ الۋ - 5,23 تەڭگە، ساتۋ - 5,43 تەڭگە؛ اقمولا وبلىسىندا جول جوندەۋگە بولىنگەن 78 ميلليون تەڭگە جىمقىرىلعان
استانا. KAZINFORM - اقمولا وبلىسى بۇلاندى اۋدانىنىڭ پروكۋراتۋراسى نيكولسكوە اۋىلىنداعى جولداردى جوندەۋگە بولىنگەن بيۋدجەت قاراجاتىنىڭ جىمقىرىلعانىن انىقتادى. كەلتىرىلگەن شىعىن 78 ميلليون تەڭگە دەپ باعالانىپ وتىر.
فوتو: Kazinform
پروكۋراتۋرا مالىمەتىنشە، 2023 -جىلى اۋداننىڭ تۇرعىن ءۇي-كوممۋنالدىق شارۋاشىلىق ءبولىمى مەردىگەر ۇيىممەن نيكولسكوە اۋىلىنداعى ۇزىندىعى 5,4 شاقىرىم اۋىل ىشىندەگى جولداردى ورتاشا جوندەۋگە 167,8 ميلليون تەڭگەگە شارت جاساسقان.
شارتتىڭ مەرزىمى 2024 -جىلعى جەلتوقساندا اياقتالعان. وسى ۋاقىت ىشىندە بيۋدجەتتەن 103 ميلليون تەڭگە جۇمسالعان.
الايدا تەكسەرۋ بارىسىندا 78 ميلليون تەڭگەنىڭ جۇمىسى ورىندالماعانى انىقتالدى. تەرگەۋ مالىمەتىنشە، بۇل قاراجات جول جوندەۋگە قاتىسى جوق ماقساتتارعا جۇمسالعان.
وسى فاكتى بويىنشا اۋداننىڭ تۇرعىن ءۇي-كوممۋنالدىق شارۋاشىلىق ءبولىمىنىڭ بۇرىنعى باسشىسى مەن مەردىگەر ۇيىم باسشىلارىنا قاتىستى اسا ءىرى كولەمدە بيۋدجەت قاراجاتىن جىمقىرۋ دەرەگىمەن سوتقا دەيىنگى تەرگەپ- تەكسەرۋ باستالدى.
قىلمىستىق ءىس اقمولا وبلىسىنىڭ ارنايى پروكۋرورلارىنىڭ وندىرىسىنە بەرىلدى.
قىلمىستىق- پروتسەستىك كودەكستىڭ 201-بابىنا سايكەس، وزگە اقپارات جاريا ەتىلمەيدى.