نيۋ-يوركتە روبەرت سەميۋەل ەسىمدى كاسىپكەر ەرەكشە قىزمەت ءتۇرىن دامىتىپ، بۇگىندە ايىنا 160000 ا ق ش دوللارىنا دەيىن تابىس تاۋىپ وتىر. ونىڭ بيزنەسىنىڭ ءمانى - باسقالاردىڭ ورنىنا كەزەككە تۇرۋ، دەپ حابارلايدى fortune.com.
ءبارى 2012 -جىلى باستالعان. سول كەزدە روبەرت جاڭا iPhone ءۇشىن كەزەكتە تۇرعان ورنىن 300 دوللارعا ساتىپ جىبەرگەن. بۇل كۇتپەگەن تابىس وعان يدەيا بەرىپ، كاسىبىن جولعا قويۋعا تۇرتكى بولىپتى.
2025 -جىلى ونىڭ كومانداسىندا 45 ادام جۇمىس ىستەيدى. ولار كليەنتتەرىنىڭ ورنىنا ساعاتىنا 38 دوللاردان كەزەككە تۇرادى. قىزمەت سۇرانىسقا يە: ادامدار ولاردى ەليتالىق مەيرامحانالاردا، Supreme كروسسوۆكالارىنىڭ پرەمەراسىندا، ۋوررەن باففەت اكسيالار جينالىسىندا، ءتىپتى رەپەر P. Diddy-گە قاتىستى سوت تىڭداۋلارىندا دا پايدالانادى.
وسىلايشا، جاي عانا كەزەككە تۇرۋدان باستالعان باستاما بۇگىندە تابىستى بيزنەس-يمپەرياعا اينالعان.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан